Romanyon 9:19 - An Bibel Kernewek 20234 (Kernewek Kemmyn)

¹⁹ Ty a lever dhymm ytho, ‘Prag y krodhvol ev? Rag piw a yll sevel erbynn y vodh?’

Romanyon 9:19 ပူးပေါင်းရင်းမြစ်များ

Jenesis 50:20

Ha hwi, hwi a dewlis droktra er ow fynn; Duw a'n tewlis dhe vos dader, may teffa an dra dell yw y'n jydh hedhyw: dhe witha tus pals yn few.

2 Kroniklys 20:6

hag a leveris, ‘A Arloedh, Duw agan tasow, a nyns osta Duw y'n nev? A ny rewlydh war oll gwlaskordhow an kenedhlow? Yma y'th leuv galloes ha nerth, bys ma na yll nebonan sevel orthis.

Job 9:19

Mars yw mater a grevder, mir ha galloesek yw ev! Mars yw mater a wirvreus, piw a yll settya termyn rag ow goslowva?

Salmow 76:10

Sorr mab-den a dreyl dhe'th wormola; remenant an sorr ty a wisk a-dro dhis avel grogys.

Ysay 29:16

Hwi a dreyl an pyth a-wartha dhe woeles. A vydh priweythor tybys avel pri? A lever an pyth yw gwrys a-dro dh'y wrier, ‘Ny'm gwrug’? A lever pott a-dro dh'y briweythor, ‘Ny gonvedh’?

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Mark 14:21

Rag Mab an den a dremen, anodho dell yw skrifys, mes go-ev an den na ganso may ma Mab an den traytys; da via dhodho, byth na ve genys an den na.’

Oberow 2:23

an keth hemma, daskorrys herwydh towl fyrv ha ragwodhvos Duw, hwi a'n kemmeras, dre dhiwla tus a-ves dhe'n lagha, ha'y ladha, orth y fastya y'n grows,

Romanyon 11:19

Ty a lever ytho: ‘Terrys dhe-ves veu skorrennow rag may fen vy ympys a-ji.’

1 Korinthianys 15:12

Lemmyn, mars yw Krist pregewthys avel onan re beu drehevys dhiworth an re varow, fatell yll rann ahanowgh leverel nag eus dasserghyans a'n re varow?

1 Korinthianys 15:35

Mes nebonan a wra govynn, ‘Fatell yw an re varow drehevys? Gans py par korf y tons i?’

Jamys 1:13

Na leveres denvyth a vo prevys, ‘Gans Duw prevys ov vy’; rag ny yll Duw bos prevys gans drog, ha ny brev ev y honan denvyth.

Jamys 2:18

Mes nebonan a lever, ‘Yma fydh genes jy, ha gwriansow genev vy.’ Diskwa dhymm dha fydh jy heb gwriansow, ha my a vynn diskwedhes dhis ow fydh vy der ow gwriansow.