Romanyon 8:9 - An Bibel Kernewek 20234 (Kernewek Kemmyn)

⁹ Mes nyns esowgh y'n kig, y'n Spyrys yth esowgh, mars usi Spyrys Duw trigys ynnowgh yn hwir. Neb na'n jeves Spyrys Krist nyns yw ev dhodho.

Romanyon 8:9 ပူးပေါင်းရင်းမြစ်များ

Ezekiel 11:19

My a re dhedha unn golonn, ha my a worr spyrys nowydh ynnowgh; my a gemmer an golonn a ven dhiworth aga horf ha ri dhedha kolonn a gig,

Luk 11:13

Hwi ytho, ow pos drog, mar kodhowgh ri rohow da dh'agas fleghes, pygemmys moy y re an Tas a nev an Spyrys Sans dhe seul a wovynn orto!’

Yowann 14:17

an Spyrys a wiryonedh, neb na yll an bys y dhegemmeres, rag ny'n gwel na ny'n aswonn. Mes hwi a'n aswonn, rag ev a drig genowgh hag ev a vydh ynnowgh.

Yowann 14:23

Yesu a worthybis ha leverel dhodho, ‘Piwpynag a'm karro a with ow geryow, ha'm Tas a'n karvydh, ha ni a dheu dhodho ha gul agan trigva ynno.

Yowann 3:34

Rag ev neb re wrug Duw y dhannvon a gews geryow Duw, rag ny re ev an Spyrys orth musur.

Yowann 3:6

An pyth yw genys a'n kig yw kig, ha'n pyth yw genys a'n Spyrys yw spyrys.

Oberow 16:7

Mes pan dhothyens bys yn Mysia, i a assayas mos yn Bithynia, ha Spyrys Yesu ny ros dhedha kummyas;

Romanyon 7:5

Ha ni hwath ow pewa y'n kig, agan drokhwansow a begh drehevys gans an lagha, a oberi yn agan eseli dhe dhoen frut rag mernans.

Romanyon 8:1

Lemmyn nyns eus dampnya rag an re usi yn Krist Yesu.

Romanyon 8:11

Mars usi trigys ynnowgh y Spyrys ev, neb a dhrehevis Yesu a vernans, ev neb a dhrehevis Yesu a vernans a re bewnans dh'agas korf marwel ynwedh der y Spyrys usi trigys ynnowgh.

Romanyon 8:2

Rag lagha Spyrys bewnans yn Krist Yesu re'th tigolmas dhiworth lagha pegh ha mernans.

1 Korinthianys 15:23

Mes peub yn y dorn y honan: Krist an kynsa frut: wosa henna, orth y dhevones, an re yw dhe Grist.

1 Korinthianys 3:16

A ny wodhowgh hwi agas bos tempel Duw ha bos Spyrys Duw trigys ynnowgh?

1 Korinthianys 6:17

Mes neb yw kesunys dhe'n Arloedh a dheu ha bos ganso unn spyrys.

1 Korinthianys 6:19

A ny wodhowgh hwi bos agas korf tempel an Spyrys Sans a-bervedh ynnowgh, hag a'gas beus dhiworth Duw? Ny berghennowgh agas honan;

2 Korinthianys 10:7

Hwi a vir orth traow herwydh aga semlans. Mar trest nebonan y vos dhe Grist, perthes kov a hemma: kepar dell yw ev dhe Grist, yndella ynwedh yth on ni.

2 Korinthianys 6:16

Ha py akord eus dhe dempel Duw gans idolys? Rag ni yw tempel an Duw bew, dell leveris Duw, ‘My a wra triga yn aga mysk, ha my a wra kerdhes yn aga mysk; aga Duw vydhav vy, hag ow fobel vydhons i.

Galatianys 4:6

Drefenn agas bos mebyon, Duw a dhellos Spyrys y Vab bys yn agan kolonn, ow kria ‘Abba, a Das.’

Galatianys 5:24

Seul eus dhe Grist Yesu re growsyas an kig, keffrys ha'n yeunesow ha'n hwansow.

Efesianys 1:13

yn neb hwi ynwedh, ow klewes an ger a wiryonedh, aweyl agas selwyans, yn neb hwi ynwedh ow krysi, a veu selys gans an Spyrys Sans ambosys,

Efesianys 2:22

ynno ev hwi ynwedh yw drehevys war-barth dhe vos trigva Duw y'n Spyrys.

Efesianys 3:17

may trikko Krist, dre fydh, yn agas kolonn, gwreydhys ha selys yn kerensa,

Filippianys 1:19

rag my a woer siwyans hemma dhe vos ow selwyans der agas pysadow, ha gweres res gans Spyrys Yesu Krist,

2 Timothi 1:14

Gwith an charj teg der an Spyrys Sans a drig ynnon.

1 Peder 1:11

ow hwithra pyth po py termyn a dhiskwedhas Spyrys Krist ynna, pan ragdhustunias tormentys Krist ha'n splannder a wre y siwya.

1 Yowann 3:24

Ha'n re a with y worhemmynnow, a drig ynno, hag ynna ev a drig. Ha dredhi y hwodhon y trig ev ynnon, der an spyrys re ros dhyn.

1 Yowann 4:13

Dredhi y hwodhon ni dhe driga ynno, hag ynnon ni ev dhe driga, drefenn ev dhe ri dhyn a'y Spyrys.

1 Yowann 4:4

A Dhuw yth esowgh hwi, A fleghigyow, ha hwi re's fethas: drefenn bos ynnowgh neb yw brassa ages neb usi y'n bys.

Diskwedhyans 13:8

Hag oll trigoryon an norvys a wra y wordhya, nag yw skrifys aga henwyn yn lyver bewnans an Oen a veu ledhys, a-ban veu an norvys dallethys.

Diskwedhyans 20:15

Ha seul na veu kevys skrifys y'n lyver a vewnans a veu tewlys y'n lynn a dan.