Romanyon 8:36 - An Bibel Kernewek 20234 (Kernewek Kemmyn)

³⁶ Dell yw skrifys, ‘A'th wovis jy yth on ny ledhys oll an jydh; reknys on ni avel deves dhe'n ladhva.’

Romanyon 8:36 ပူးပေါင်းရင်းမြစ်များ

Salmow 141:7

Kepar ha den owth aras hag ow kloesya war an tir, yn kettella y fydh aga eskern skattrys orth ganow ifarn.

Salmow 44:11

Ty re'gan ros avel deves dhe vos dybrys, ha re'gan skattras yn mysk an kenedhlow.

Salmow 44:22

A'th wovis jy yth on ni ledhys oll an jydh, reknys on ni avel deves dhe'n ladhva.

Ysay 53:7

Arweskys veu ha tebeldhyghtys, byttegyns ny igoras y anow;

Yeremia 11:19

Mes my o haval dhe oen dov yw dres dhe'n ladhva; mes ny wodhyen y feu er ow fynn may tevissens towlow, ow leverel, ‘Gwren distrui an wydhenn gans hy frut, ha gwren y dreghi a-dhiworth tir an re vew, ma na vydh kovhes y hanow namoy.’

Yeremia 12:3

Mes ty, A Arloedh, a'm aswonn: ty a'm gwel, ha previ ow holonn a-ragos. Gwra aga thenna yn-mes avel deves dhe'n ladhva, ha'ga fareusi erbynn dydh an ar.

Yeremia 51:40

My a's dre dhe'n leur avel eyn dhe'n ladhva, avel hordhes ha boghes.

Yowann 16:2

I a wra agas emskemuna a'n synaga; mes an eur a dheu pan dyb peub a wra agas ladha, ev dhe brofya gordhyans dhe Dhuw.

Oberow 20:24

Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.

Oberow 8:32

Lemmyn rann an skryptor esa orth hy redya o homma, ‘Kepar ha davas ev a veu ledys dhe ladhva ha kepar dell yw avlavar oen a-rag an knyvyer, yndella ny iger ev y anow.

1 Korinthianys 15:30

Ha prag yth eson ni ow peryllya pub eur?

1 Korinthianys 15:31

Pub dydh y farwav – my a'n avow, breder, der ow bostyans a-dro dhywgh hag a'm beus yn Krist Yesu agan Arloedh.

1 Korinthianys 4:9

Dell dybav, Duw re'gan diskwedhas, an abesteli, avel an re dhiwettha, dampnys dhe'n mernans, drefenn ni dhe dhos ha bos ges dhe'n bys, keffrys dhe eledh ha dhe dus.

2 Korinthianys 1:9

yn hwir, ni a omglewsyn warnan breus an mernans, ma na fytthyen ynnon agan honan, mes yn Duw neb a dhrehav an re varow.

2 Korinthianys 11:23

Menystoryon Krist yns i? (My a gews kepar hag onan mes a'y rewl) onan gwell ov vy: my re lavuryas kalessa meur, my re beu prisonys moy menowgh, my re beu kastigys moy a-has, my re beu ogas dhe'n mernans lieskweyth.

2 Korinthianys 6:9

avel anaswonnys, mes aswonnys yn ta, avel tus ow merwel mes otta, ni a vew; avel tus kessydhys mes nyns on ni ledhys;

Filippianys 3:10

rag y aswonnvos ev ha galloes y dhasserghyans, ha kevrenn yn y alarow, kesformys yn y vernans,