Romanyon 8:34 - An Bibel Kernewek 20234 (Kernewek Kemmyn)

³⁴ Piw a guhudh? Yesu Krist yw, neb a verwis, yn hwir, hag a veu drehevys a'n mernans, hag usi a'n dhyghowbarth dhe Dhuw, hag a bys ragon.

Romanyon 8:34 ပူးပေါင်းရင်းမြစ်များ

Job 33:24

ha mars yw grassyes orto ha leverel, “Gwith e rag mos war-nans dhe'n pytt; my re gavas ronson ragdho:

Job 34:29

‘Mes pan yw ev tawesek, piw a'n dampen? Pan gudh ev y fas, piw a'n aspi? Mes yma ev a-ugh kenedhel hag a-ugh densys,

Salmow 109:31

Rag ev a sev orth leuv dhyghow an boghosek, dh'y sawya a'n re a helgh y enev.

Salmow 37:33

Ny wra an Arloedh y asa yn y leuv, ha ny re ev drogvreus er y bynn pan yw breusys.

Ysay 50:8

Ogas yw ev neb a'm ewnha. Piw a vynn strivya genev? Sevyn ni war-barth. Piw yw ow huhudhor? Des e nes dhymm.

Ysay 53:12

Rakhenna my a re dhodho rann gans an tus vras, ha gans an tus alloesek ev a rann an preydh; rag ev a dhinewis y vewnans bys ankow, ha reknys veu yn mysk an dhrogoberoryon. Ev a dhug peghes tus pals, hag a bledyas a-barth an dhrogoberoryon.

Yeremia 50:20

Y'n dydhyow na hag y'n termyn na, yn-medh an Arloedh, anewnder Ysrael a vydh hwithrys ha ny vydh nagonan; ha peghosow Yuda, ha ny vydh kevys nagonan; rag my a av an re a wrav aga gasa.

Niverow 7:15

unn tarow yowynk, unn hordh, unn oen gorow a unn bloedh, rag offrynn leskys;

Matthew 20:28

kepar dell na dheuth Mab an den dhe vos servys mes dhe servya, ha dhe ri y vewnans avel daspren rag lies.’

Mark 16:19

Hag ytho an Arloedh Yesu, wosa ev dhe gewsel orta, a veu degemmerys yn-bann dhe nev, hag a esedhas a'n barth dhyghow dhe Dhuw.

Yowann 14:19

Hwath pols byghan ha'n bys ny'm gwel namoy; mes hwi a'm gwel, rag my a vew, ha hwi ynwedh a vew.

Yowann 16:23

Hag y'n jydh na ny wrewgh govynn orthiv travyth. Yn hwir, yn hwir y lavarav dhywgh, pypynag a wovynnowgh a'n Tas y'm hanow vy, ev a'n re dhywgh.

Oberow 2:24

Duw a'n drehevis, ow lowsya gloesow ankow, rag ny yllys ev dhe vos synsys ganso.

Romanyon 14:13

Ytho na vreusyn an eyl ahanan y gila mes breusyn yn kynsa na worryn men trebuchya po maglenn yn fordh an broder.

Romanyon 14:9

Rakhenna Krist a verwis ha dasvewa, rag may fe Arloedh an re varow ha'n re vew.

Romanyon 4:25

neb a veu res dhe'n mernans drefenn agan drogoberow ha drehevys rag may fen ni kevys ewn.

Romanyon 8:1

Lemmyn nyns eus dampnya rag an re usi yn Krist Yesu.

Romanyon 8:27

Hag ev neb usi ow hwithra kolonnow a woer an pyth usi yn brys an Spyrys, rag ev dhe bysi a-barth an syns herwydh bodh Duw.

Kolossianys 3:1

Ytho mar pewgh drehevys gans Krist, hwilewgh an taklow usi war-vann, le mayth usi Krist owth esedha a dhyghow dhe Dhuw.

Ebrowyon 1:3

neb yw dewynnyans golewder Duw ha gwir imaj y substans, ow mentena traow oll der an ger a'y nerth. Pan wrussa glanheans peghosow, ev a esedhas orth leuv dhyghow an Meuredh y'n tylleryow ughel,

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.

Ebrowyon 9:24

Rag nyns yw a-ji dhe sentri gwrys gans leuv, tokyn an gwir sentri, mayth entras Krist, mes a-ji dhe nev y honan, lemmyn dhe omdhiskwedhes ragon a-rag fas Duw.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

1 Peder 3:22

usi a dhyghow dhe Dhuw, gyllys yn nev, gans eledh ha potestatys ha nerthow gwrys gostydh dhodho ev.

Diskwedhyans 1:18

ha neb a vew; hag yth eth ha bos marow; hag otta, bew ov vy trank heb worfenn, hag y'm beus alhwedhow ankow hag ifarn.