Romanyon 8:27 - An Bibel Kernewek 20234 (Kernewek Kemmyn)

²⁷ Hag ev neb usi ow hwithra kolonnow a woer an pyth usi yn brys an Spyrys, rag ev dhe bysi a-barth an syns herwydh bodh Duw.

Romanyon 8:27 ပူးပေါင်းရင်းမြစ်များ

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

1 Kroniklys 29:17

My a woer, ow Duw, ty dhe brevi an golonn, ha dhe lowenhe yn ewnhynseth. Yn gwiryonsys ow holonn y res vy a'm bodh oll an taklow ma. Ha lemmyn my re welas dha bobel usi omma ow ri dhis a'ga bodh yn lowen.

Salmow 139:1

A Arloedh, ty re'm hwithras ha'm aswonn.

Salmow 38:9

A Arloedh, yma oll ow yeunes a-dheragos; ha nyns yw ow hanas kudhys ragos.

Salmow 44:21

a ny hwither Duw hemma? Rag ev a woer kevrinyow an golonn.

Salmow 7:9

Bedhes diwedh dhe dhrogober an debeles, mes ty gwra fastya an den gwiryon, ty neb a brev an kolonnow ha'n lonethi, an Duw gwiryon.

Lavarow Koth 17:3

An teudhlester yw rag arghans, ha'n forn yw rag owr, mes an Arloedh a brev kolonnow.

Yeremia 11:20

Mes, A Arloedh an luyow, neb a vreus yn ewnder, neb a assay an golonn ha'n brys, gas my dhe weles dha dhial warnedha, rag dhiso jy my re dhiskwedhas ow hen.

Yeremia 17:10

My an Arloedh a hwither an golonn, ha previ an dhiwloneth, dhe ri dhe beub herwydh y fordhow, ha herwydh frut y oberow.

Yeremia 20:12

Mes, A Arloedh an luyow, neb a brev an re wiryon, neb a wel an dhiwloneth ha'n golonn, gas vy dhe weles dha dhial warnedha: rag dhiso jy my re dhiskwedhas ow hen.

Matthew 6:8

Na vedhewgh ytho avella i, rag agas Tas a woer pandr'a fyll dhywgh kyns es hwi dhe wovynn orto.

Luk 16:15

Hag ev a leveris dhedha, ‘Hwi yw an re a justifi aga honan a-wel tus, mes Duw a aswonn agas kolonn; rag an dra eksaltys yn mysk tus yw pyth kasadow a-wel Duw.

Yowann 14:13

Ha pypynag a wovynnowgh y'm hanow vy, henna a wrav, may fo glorifiys an Tas y'n Mab.

Yowann 21:17

Y'n tressa treveth yn-medh ev dhodho, ‘Simon mab Yowann, es'ta jy orth ow hara vy?’ Peder a gemmeras duwon, rag ev dhe leverel dhodho y'n tressa treveth, ‘Es'ta jy orth ow hara vy?’ Yn-medh ev dhodho, ‘Arloedh, ty a woer pup-tra, ty a woer my dhe'th kara.’ Yn-medh ev dhodho, ‘Mag ow deves.

Oberow 1:24

I a bysis ha leverel, ‘Ty, Arloedh, neb a aswonn kolonnow tus oll, diskwa pyneyl re dhewissys

Oberow 15:8

Duw, neb a aswonn kolonnow, a dhustunias ow ri dhedha an Spyrys Sans, dell wrug ev dhyn ni ynwedh,

Romanyon 8:34

Piw a guhudh? Yesu Krist yw, neb a verwis, yn hwir, hag a veu drehevys a'n mernans, hag usi a'n dhyghowbarth dhe Dhuw, hag a bys ragon.

Romanyon 8:6

Rag brys an kig yw mernans, mes brys an Spyrys yw bewnans ha kres.

Efesianys 2:18

rag bos fordh genen agan dew, dredho ev, der unn Spyrys, dhe'n Tas.

1 Thessalonianys 2:4

mes, ha ni kommendys gans Duw may fo gorrys an aweyl yn charj dhyn ni, yndella y kewsyn: ny wren kewsel dhe blegya dhe vab-den, mes dhe Dhuw a brev agan kolonnow.

Ebrowyon 4:13

Hag a-ragdho ev, nyns yw kudhys kreatur vyth, mes oll yw noeth hag igor dh'y dhewlagas ev, may tal dhyn gul akont dhodho.

Jamys 5:16

Ytho, yesewgh agas peghosow an eyl dh'y gila, ha pysewgh an eyl rag y gila, may fewgh yaghhes. Pur nerthek yw an pysadow effeythus a dhen gwiryon.

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.