Romanyon 8:26 - An Bibel Kernewek 20234 (Kernewek Kemmyn)

²⁶ Ynwedh an Spyrys a'gan gweres yn agan gwannder, rag ny wodhon fatell byssyn dell dhegoedh, mes an Spyrys y honan a bys ragon gans kyni dres leverel.

Romanyon 8:26 ပူးပေါင်းရင်းမြစ်များ

Job 37:19

‘Dysk dhyn an pyth a wren ni leverel dhodho; ny yllyn restra agan ken drefenn an tewlder.

Salmow 10:17

Arloedh, ty re glewas desir an re uvel; ty a gennerth aga holonn, ty a wra dhe'th skovarn goslowes,

Salmow 102:20

dhe glewes kynvann an prisner, dhe dhelivra an re dampnys dhe'n mernans;

Salmow 102:5

Drefenn lev ow hynvann ow eskern re lenas orth ow hig.

Salmow 6:3

Ow enev ynwedh yw pur dhyegrys. Mes ty, A Arloedh – pygemmys prys?

Salmow 6:9

An Arloedh re glewas ow govynnadow; an Arloedh a dhegemmer ow fysadow.

Salmow 69:3

Skwith ov vy ow karma; ronk yw ow bryansenn. Ow dewlagas a fyll, ha my ow kortos ow Duw.

Kynvannow 3:56

Klewes ow lev a wrussys, ‘Na dhege dha skovarn dhiworth ow hanasenn, dhiworth ow kri.’

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Matthew 10:20

rag nyns yw hwi a gews mes Spyrys agas Tas neb a gews ynnowgh.

Matthew 20:22

Yesu a worthybis ha leverel, ‘Ny wodhowgh pandr'a wovynnowgh. A yllowgh hwi eva a'n hanaf a wrav vy eva anodho?’ Yn-medhons dhodho, ‘Gyllyn.’

Luk 22:44

Ha devedhys yn angoes ev a bysi moy ter; ha'y hwys a dheuth ha bos kepar ha bannaghow a woes ow troppya war an dor.

Yowann 14:16

Ha my a vynn govynn orth an Tas, hag ev a re dhywgh konforter arall, may hwrello gortos genowgh rag nevra,

Romanyon 15:1

Y tegoedh dhyn ni neb yw krev perthi difygyow an re wann, heb omblesya.

Romanyon 7:24

Truan dell ov! Piw a'm delirv dhiworth korf an mernans ma?

Romanyon 8:15

Ny gemmersowgh spyrys a gethneth ow ledya arta dhe own, mes hwi a gemmeras spyrys adoptyans avel mebyon dredho may kriyn ‘Abba! Tas!’

2 Korinthianys 5:2

Yn hwir, ni a gyn y'n tylda ma, ow yeuni gwiska agan trigva nevek a-dro dhyn;

2 Korinthianys 5:4

Yn tevri, ha ni hwath y'n tylda ma, ni a gyn ha beghys on, drefenn na vynnyn ni diwiska mes gwiska hwath moy, may fo an pyth yw marwel kollenkys gans bewnans.

Galatianys 4:6

Drefenn agas bos mebyon, Duw a dhellos Spyrys y Vab bys yn agan kolonn, ow kria ‘Abba, a Das.’

Efesianys 2:18

rag bos fordh genen agan dew, dredho ev, der unn Spyrys, dhe'n Tas.

Efesianys 6:18

Dre bub pysadow ha govenek, pysewgh pub eur oll y'n Spyrys; ha dhe'n porpos na, bedhewgh hewoel gans pub diwysykter ha pysadow rag oll an syns,

Ebrowyon 4:15

Rag ny'gan beus arghoferyas na yll keskodhevel gans agan gwannder, mes onan neb re beu temptys avelon yn pub tremmynn, heb pegha hogen.

Ebrowyon 5:2

Ev a yll dyghtya yn hwar an re yw heb godhvos ha kellys yn aga fordh, drefenn y vos y honan settys a-dro gans gwannder.

Jamys 4:3

Hwi a wovynn heb degemmeres, rag hwi a gammwovynn, may hyllowgh spena, ow siwya agas hwansow.