Romanyon 8:20 - An Bibel Kernewek 20234 (Kernewek Kemmyn)

²⁰ Rag yth esa an kreasyon yn-dann vaystri euveredh, nyns o a'y vodh mes der y vodh ev neb a'n fethas yn govenek;

Romanyon 8:20 ပူးပေါင်းရင်းမြစ်များ

Jenesis 5:29

Hag ev a elwis y hanow Noy, ow leverel, ‘An keth hemma a re dhyn konfort dhiworth agan ober ha dhiworth lavur agan diwla drefenn an dor re vollethis an Arloedh.’

Jenesis 6:13

Hag yn-medh Duw dhe Noy, ‘Yma diwedh dhe bub kig devedhys a-ragov, rag lenwys dredha gans garowder yw an nor, hag awotta, my a vynn aga distrui gans an nor.

Salmow 39:5

Otta, ty re wrug ow dydhyow avel nebes dornvedhi, ha'm oes yw avel travyth a-dheragos; yn hwir, pub den a sev avel anall. Sela.

Ekklesiastes 1:2

Euveredh a euveredh, yn-medh an Pregowther, euveredh a euveredh, pup-tra yw euver.

Yeremia 12:11

I a'n gwrug ynyal; ynyal, y kalar orthiv an tir oll yw gwrys ynyal, mes denvyth ny'n kemmer dhe golonn.

Yeremia 12:4

Pes termyn y hwra an tir dhesygha, ha'n gwels a bub mes gwedhra, rag drogedh an re usi trigys ynno? An bestes yw distruys, ha'n ydhyn; drefenn tus dhe leverel, ‘Ny wel ev agan diwedh ni.’

Hosea 4:3

Rakhenna an tir a dhesygh, ha myns eus trigys ynno a wedher, gans bestes an gwel, ydhyn an nevow; ynwedh puskes an mor a wra merwel.

Yoel 1:18

Assa wra an gwarthek hanasa! Penndegys yw an oghen, drefenn nag eus peur dhedha; devri, gwrys yn ahwer yw greow an deves.

Romanyon 8:22

Ni a woer an kreasyon oll dhe vos ow kyni hag ow suffra paynys warbarth kepar hag yn gwelivos bys lemmyn;

Romanyon 8:24

Rag y'n govenek may feun selwys, mes govenek gwelys nyns yw govenek, rag piw a wayt an pyth a wel?