Romanyon 8:2 - An Bibel Kernewek 20234 (Kernewek Kemmyn)

² Rag lagha Spyrys bewnans yn Krist Yesu re'th tigolmas dhiworth lagha pegh ha mernans.

Romanyon 8:2 ပူးပေါင်းရင်းမြစ်များ

Salmow 51:12

Daskorr dhymm lowena dha selwyans ha menten vy gans dha Spyrys hel.

Ezekiel 1:21

Pan e an rosow, yth esa i ynwedh ow mos, ha pan sevi an rosow, yth esa i ynwedh owth yskynna, drefenn bos spyrys an kreatur y'n rosow.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Yowann 6:63

An Spyrys yth yw neb a re vewnans; nyns eus prow vyth y'n kig. An geryow a gowsav dhywgh, yth yns i spyrys, ha bewnans.

Yowann 8:32

ha hwi a woer an gwir, ha'n gwir a wra agas rydhhe.’

Yowann 8:36

Ytho mar kwra an Mab agas rydhhe, rydh yn tevri a vydhowgh.

Romanyon 16:3

Salusewgh Priska hag Akwila, ow hesoberoryon yn Krist Yesu,

Romanyon 3:27

Ytho ple'ma agan bostya? Eskes yw. Drefenn py lagha? Lagha an oberow? Na, drefenn lagha fydh.

Romanyon 5:21

rag may kwrella gras reynya par dell reynya pegh yn mernans, der ewnder dhe vewnans heb diwedh dre Yesu Krist agan Arloedh.

Romanyon 6:14

Rag ny'n jevydh pegh maystri warnowgh, a-ban nag esowgh yn-dann lagha mes yn-dann ras.

Romanyon 6:18

ha wosa bos delivrys dhiworth pegh devedhys owgh ha bos kethyon dhe ewnder.

Romanyon 6:22

Mes wosa hwi dhe vos delivrys dhiworth mernans ha devedhys ha bos kethyon dhe Dhuw, an pewas a'gas beus yw sansheans, ha'y fin yw bewnans heb diwedh.

Romanyon 7:21

Ytho y kavav avel lagha bos genev droktra pan vynnav gul da.

Romanyon 7:23

mes y hwelav y'm eseli ken lagha ow kwerrya orth lagha ow brys hag orth ow gul prisner dhe lagha pegh hag a drig y'm eseli.

Romanyon 7:4

Y'n keth fordh, ow breder, ledhys re bewgh dhe'n lagha dre gorf Krist rag may fowgh dhe onan arall, dhodho ev neb re beu drehevys a'n re varow rag may tykkyn frut rag Duw.

Romanyon 8:1

Lemmyn nyns eus dampnya rag an re usi yn Krist Yesu.

1 Korinthianys 15:45

Yndella skrifys yw, ‘An kynsa den Adam a dheuth ha bos enev bew’; an Adam diwettha a dheuth ha bos spyrys a re bewnans.

2 Korinthianys 3:17

Lemmyn an Arloedh yw an Spyrys; ha plepynag usi Spyrys an Arloedh, ena rydhses yma.

2 Korinthianys 3:6

neb a'gan gwrug gwiw dhe vos menystrys a gevambos nowydh, a-der a lytherenn mes a spyrys; rag an lytherenn a ladh, mes an spyrys a vewha.

Galatianys 2:19

Rag der an lagha my a verwis dhe'n lagha, may fewen vy dhe Dhuw. Krowsys veuv gans Krist;

Galatianys 5:1

Rag rydhses y hwrug Krist agan delivra; rakhenna sevewgh fast, na vedhewgh maglennys arta yn-dann yew a gethneth.

Galatianys 6:2

Degewgh agas beghyow an eyl a-barth y gila, hag yndella hwi a gollenow lagha Krist.

Jamys 1:25

Mes neb a vir y'n lagha berfydh a rydhses ha pesya ynno, heb bos goslowyas a ankev, mes gwrier an ober, gwynnvys vydh an den ma y'n pyth a wra.

Diskwedhyans 11:11

Ha wosa tri dydh ha hanter, spyrys bewnans a Dhuw eth a-bervedh ynna hag i a sevis war aga threys hag own bras a goedhas war an re a's gwelas.

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.