Romanyon 8:14 - An Bibel Kernewek 20234 (Kernewek Kemmyn)

¹⁴ Rag myns a hembrenkir gans Spyrys Duw mebyon Duw yth yns.

Romanyon 8:14 ပူးပေါင်းရင်းမြစ်များ

Salmow 143:10

Dysk dhymm gul dha vodh, rag ty yw ow Duw. Gwres dha Spyrys kuv ow hembronk yn tir kompes.

Lavarow Koth 8:20

Yn fordh ewnder y kerdhav, dre hynsyow a wirvreus,

Hosea 1:10

Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’

Matthew 5:9

‘Gwynn aga bys gwrioryon kres, rag i a vydh gelwys fleghes Duw.

Yowann 1:12

Mes kemmys a'n degemmeras, dhedha y ros ev galloes dhe vos fleghes Duw, dhe'n re a grys yn y hanow ev,

Romanyon 8:19

Rag an kreasyon a wayt gans mall an diskwedhyans a vebyon Duw.

Romanyon 8:5

Rag an re a vew war-lergh an kig a wra fors a daklow an kig, mes an re a vew war-lergh an Spyrys a wra fors a daklow an Spyrys.

Romanyon 8:9

Mes nyns esowgh y'n kig, y'n Spyrys yth esowgh, mars usi Spyrys Duw trigys ynnowgh yn hwir. Neb na'n jeves Spyrys Krist nyns yw ev dhodho.

Romanyon 9:26

‘Hag y'n keth le may feu leverys dhedha, “Nyns owgh ow fobel”, ena i a vydh henwys mebyon an Duw bew.’

Romanyon 9:8

Homma a styr nag yw mebyon an kig neb yw mebyon Duw, mes mebyon an ambos a reknir avel henedh.

2 Korinthianys 6:18

ha tas vydhav dhywgh ha mebyon ha myrghes vydhowgh hwi dhymm, yn-medh an Arloedh Ollgalloesek.’

Galatianys 3:26

Rag yth owgh hwi oll mebyon Duw dre fydh yn Krist Yesu,

Galatianys 4:5

rag dasprena an re esa yn-dann lagha, may fen ni degemmerys avel mebyon.

Galatianys 4:6

Drefenn agas bos mebyon, Duw a dhellos Spyrys y Vab bys yn agan kolonn, ow kria ‘Abba, a Das.’

Galatianys 5:16

Y lavarav, kerdhewgh war-lergh an Spyrys, saw na wrewgh kollenwel lust an kig.

Galatianys 5:18

Saw mars owgh hwi ledys der an Spyrys, ena nyns esowgh hwi yn-dann an lagha.

Efesianys 1:5

orth agan ragdhestna dhe vos degemmerys avel mebyon dhodho ev, dre Yesu Krist, orth bodh y vrys,

Efesianys 5:9

(rag yma frut an golow yn oll dader hag ewnder ha gwirder),

1 Yowann 3:1

Otta, py par kerensa re ros an Tas dhyn, bys ma'gan henwir fleghes Duw. Ytho ny'gan aswonn an bys drefenn na'n aswonni ev.

1 Yowann 3:24

Ha'n re a with y worhemmynnow, a drig ynno, hag ynna ev a drig. Ha dredhi y hwodhon y trig ev ynnon, der an spyrys re ros dhyn.

Diskwedhyans 21:7

Neb a feth a wra erita an taklow ma; ha my a vydh y Dhuw, hag ev a vydh ow mab.