Romanyon 6:23 - An Bibel Kernewek 20234 (Kernewek Kemmyn)

²³ Rag gobrow pegh yw mernans, mes ro Duw yw bewnans heb diwedh yn Krist Yesu agan Arloedh.

Romanyon 6:23 ပူးပေါင်းရင်းမြစ်များ

Jenesis 2:17

Mes a wydhenn an godhvos a dha hag a dhrog ny wre'ta dybri, rag y'n jydh may tybrydh anedhi ty a wra merwel yn surredi.’

Jenesis 3:19

Yn hwys dha fas ty a dheber bara, bys may tehwelli arta dhe'n dor; rag a henna ty a veu kemmerys: rag doust osta, ha dhe dhoust arta ty a dhehwel.’

Lavarow Koth 11:19

Neb yw fyrv yn ewnder a vew, mes holya droktra a led dhe ankow.

Ysay 3:11

Go-ev an tebelwas, drog a'n jevydh; drefenn war-lergh ober y dhiwleuv y fydh gwrys dhodho ev.

Ysay 3:9

Semlans aga fas a worthyp er aga fynn ha disklerya aga fegh avel Sodom; ny's kudhons. Go-i aga enevow! rag i re dhros drog warnedha aga honan.

Ezekiel 18:20

An enev a begh a verow; mab ny dheg anewnder an tas, ha tas ny dheg anewnder an mab; ewnder an den gwiryon a vydh warnodho, ha sherewynsi an tebelwas a vydh warnodho.

Ezekiel 18:4

Otta, oll an enevow yw dhymm; keffrys enev an tas hag enev an mab yw dhymm. An enev a begh a verow.

Matthew 25:46

Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Yowann 10:28

Ha my a re dhedha bewnans heb diwedh, ha ny wrons i mos dhe goll bynitha, ha denvyth ny wra aga hemmeres yn-mes a'm dorn.

Yowann 17:2

kepar dell resys dhodho galloes dres oll kig, may rollo bewnans heb diwedh dhe vyns re resys dhodho.

Yowann 3:36

Ev neb a grys y'n Mab a'n jeves bewnans heb diwedh, ha neb na grys y'n Mab ny welvydh bewnans; mes sorr Duw a drig warnodho.

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Yowann 4:36

An myser a gyv y arveth, hag a guntell frut rag bewnans heb diwedh, rag may lowenhaho war-barth an haser ha'n myser.

Yowann 5:24

Yn hwir, yn hwir y lavarav dhywgh, ev neb a glew ow ger hag a grys yn neb a'm dannvonas, yma dhodho bewnans heb diwedh, ha ny dheu dhe'n vreus, mes re dremenas a vernans dhe vewnans.

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

Yowann 6:40

Rag hemm yw bolonjedh ow Thas: pubonan a wel an Mab ha krysi ynno a gyv bewnans heb diwedh, ha my a'n drehav dydh fin.’

Yowann 6:68

Simon Peder a worthybis dhodho, ‘Arloedh, piw y hwren ni mos dhodho? Yma dhis an geryow a vewnans heb diwedh.

Romanyon 1:32

Kyn hwodhons ordenans Duw may tegoedh an mernans dhe'n re a wra taklow a'n par ma, ny's gwrons yn unnsel mes plegadow gansa yw an re a's gwra.

Romanyon 2:7

dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

Romanyon 5:12

Ytho dell dheuth pegh a-bervedh y'n bys der unn den ha mernans dre begh, hag yndella mernans a lesas dhe dus oll drefenn dus oll dhe begha –

Romanyon 5:17

Mar reynya mernans dre gammwrians unn den der an unn den na, kemmys moy y hwra reynya yn bewnans an re hag a gemmer palster a'n ras ha'n ro rydh a ewnder der an unn den Yesu Krist.

Romanyon 5:21

rag may kwrella gras reynya par dell reynya pegh yn mernans, der ewnder dhe vewnans heb diwedh dre Yesu Krist agan Arloedh.

Romanyon 6:16

A ny wodhowgh hwi mar omrowgh dhe nebonan avel kethyon wostydh, hwi dhe vos kethyon poran dhe'n den na mayth owgh gostydh dhodho – po dhe begh, hag a hembronk dhe'n mernans, po dhe wostytter hag a hembronk dhe ewnheans?

Romanyon 6:21

Mes pana frut a'gas bo a'n taklow ma'gas beus meth anedha lemmyn? Diwedh an re na yw mernans.

Romanyon 8:13

rag mar pewowgh war-lergh an kig, merwel a wrewgh; mes mar korrowgh der an Spyrys gweythresow an korf, bewa a wrewgh.

Romanyon 8:38

Rag surhes ov, nag ankow, na bewnans, nag eledh, na prynsipatys, na taklow eus lemmyn, na taklow a dheu, na nerthow,

Romanyon 8:39

nag ughelder, na downder, na tra arall y'n kreasyon oll, ny yll agan diberth dhiworth kerensa Duw yn Krist Yesu agan Arloedh.

Romanyon 8:6

Rag brys an kig yw mernans, mes brys an Spyrys yw bewnans ha kres.

Galatianys 3:10

Rag myns a fydh yn oberow an lagha yn-dann volleth; rag skrifys yw, ‘Milliges yw pubonan na bes yn oll an gorhemmynnow skrifys yn lyver an lagha, orth aga gul.’

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

Jamys 1:15

Ena tebel-ewl, wosa omdhoen, a dhineyth peghadow, ha peghadow kowlwrys a dhineyth ankow.

1 Yowann 2:25

Ha hemm yw an ambos re ambosas dhyn, bewnans heb diwedh.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’