Romanyon 6:22 - An Bibel Kernewek 20234 (Kernewek Kemmyn)

²² Mes wosa hwi dhe vos delivrys dhiworth mernans ha devedhys ha bos kethyon dhe Dhuw, an pewas a'gas beus yw sansheans, ha'y fin yw bewnans heb diwedh.

Romanyon 6:22 ပူးပေါင်းရင်းမြစ်များ

Jenesis 50:17

“Kewsewgh yndella dhe Yosep: Gav, my a'th pys, treuspass dha vreder, ha'ga fegh, rag i re wrug drog dhis.” Ytho lemmyn, ni a'th pys, gwra gava treuspass gwesyon an Duw a'th tas.’ Ha Yosep a oelas pan gowssons orto.

Job 1:8

An Arloedh a leveris dhe Satnas, ‘A bredersys a-dro dhe'm gwas Job? Nyns eus denvyth kepar hag ev war an norvys, gour divlam hag ewnhynsek, ow perthi own a Dhuw hag ow treylya dhiworth drog?’

Salmow 143:12

Y'th tregeredh diswra ow eskerens, ha distru oll an re a omladh erbynn ow enev; rag dha was ov vy.

Salmow 86:2

Gwith ow enev, rag len ov vy; salw dha was, ow Duw, a drest ynnos.

Salmow 92:14

I a dheg frut hwath yn aga hothni, hag y fydhons yr ha glas,

Ysay 54:17

Ny wra seweni arv vyth yw furvys er dha bynn, ha ty a wra dampnya pub taves a sev orthis yn breus. Hemm yw ertach gwesyon an Arloedh, ha'ga ewnheans a dheu dhiworthiv, yn-medh an Arloedh.

Daniel 3:26

[93] Ena Nebukadnessar a dheuth nes dhe daras an fornes a dan ow flammya, ha leverel: ‘A Shadrak, Meshak hag Abednego, hwi servysi a Dhuw Ughella, dewgh yn-mes, ha dewgh omma!’ Ena Shadrak, Meshak hag Abednego a dheuth yn-mes a gres an tan.

Daniel 6:20

Pan dheuth nes dhe'n fow, ev a armas dhe Daniel gans lev troblys, ha leverel dhe Daniel, ‘A Daniel, gwas an Duw bew, a allas dha Dhuw, neb a servydh prest, dha dhelivra a'n lewyon?’

Niverow 23:10

Piw a yll nivera doust Yakob, po rekna an peswora rann a Ysrael? Gas vy dhe verwel mernans an re wiryon, ha bedhes ow diwedh avel aga diwedh i!’

Matthew 13:40

Ytho kepar dell yw an ivra kuntellys ha leskys yn tan, yndella y fydh yn diwedh an oes.

Matthew 13:43

Ena y terlenter an re wiryon avel an howl yn gwlaskor aga Thas. Neb a'n jeves diwskovarn, ev klewes.

Matthew 19:29

Ha pubonan neb re asas chiow po breder po hwerydh po tas po mamm po fleghes po tiryow a-barth ow hanow vy, ev a dhegemmer kansplek, hag ev a erit bewnans heb diwedh.

Matthew 25:46

Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Yowann 15:16

Ny wrussowgh hwi ow dewis vy, mes my re'gas dewisas hwi, ha'gas apoyntya mayth yllowgh ha doen frut, ha may hwrello agas frut durya; may rollo ow Thas dhywgh pypynag a wovynnowgh dhiworto y'm hanow vy.

Yowann 15:2

Pub skorrenn ynnov ha na dheg frut, ev a's kemmer dhe-ves, ha pubonan hag a dheg frut, ev a's skether, may tokko frut moy.

Yowann 4:36

An myser a gyv y arveth, hag a guntell frut rag bewnans heb diwedh, rag may lowenhaho war-barth an haser ha'n myser.

Yowann 8:32

ha hwi a woer an gwir, ha'n gwir a wra agas rydhhe.’

Romanyon 6:14

Rag ny'n jevydh pegh maystri warnowgh, a-ban nag esowgh yn-dann lagha mes yn-dann ras.

Romanyon 6:18

ha wosa bos delivrys dhiworth pegh devedhys owgh ha bos kethyon dhe ewnder.

Romanyon 6:21

Mes pana frut a'gas bo a'n taklow ma'gas beus meth anedha lemmyn? Diwedh an re na yw mernans.

Romanyon 7:25

Grasow dhe Dhuw dre Yesu Krist agan Arloedh! Yndella genev vy ow honan y servyav lagha Duw gans ow brys, mes gans ow hig y servyav lagha pegh.

Romanyon 7:4

Y'n keth fordh, ow breder, ledhys re bewgh dhe'n lagha dre gorf Krist rag may fowgh dhe onan arall, dhodho ev neb re beu drehevys a'n re varow rag may tykkyn frut rag Duw.

Romanyon 8:2

Rag lagha Spyrys bewnans yn Krist Yesu re'th tigolmas dhiworth lagha pegh ha mernans.

1 Korinthianys 7:22

Rag neb a veu gelwys y'n Arloedh, hag ev keth, den livrys an Arloedh yth yw; keffrys neb o den livrys pan veu gelwys, keth Krist yth yw.

2 Korinthianys 3:17

Lemmyn an Arloedh yw an Spyrys; ha plepynag usi Spyrys an Arloedh, ena rydhses yma.

Galatianys 1:10

Esov vy ytho owth assaya y'n eur ma perswadya tus po Duw? Po a hwilav plesya tus? Mar pen vy hwath ow plesya tus ny vien kethwas Krist.

Galatianys 5:13

Rag hwi a veu gelwys dhe rydhses, a vreder, saw na wrewgh dhe'n rydhses ri spas dhe'n kig, mes dre gerensa bedhewgh servysi an eyl dh'y gila.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Efesianys 5:9

(rag yma frut an golow yn oll dader hag ewnder ha gwirder),

Filippianys 1:11

lenwys a frut ewnder dre Yesu Krist dhe wordhyans ha gormola Duw.

Filippianys 4:17

Nyns yw my dhe hwilas an ro; mes my a hwila an frut owth ynkressya dh'agas reken.

Kolossianys 1:10

dhe gerdhes gwiw dhe'n Arloedh, ow plegya yn tien, ow toen frut yn pub ober da hag ow tevi yn aswonnvos Duw,

Kolossianys 4:12

Epafras a'gas dynnergh, onan ahanowgh, kethwas Krist Yesu, ow strivya pup-prys ragowgh yn y bysadow, may seffowgh perfydh ha surhes yn tien y'n bolonjedh oll a Dhuw.

Titus 1:1

Powl, gwas Duw hag abostol Yesu Krist, war-lergh fydh an re yw dewisys gans Duw hag aswonnvos an gwir yw yn akord gans sansoleth,

Ebrowyon 12:14

Hwilewgh kres gans an dus oll ha'n sansoleth, ma na wra denvyth gweles an Arloedh hebdhi.

Jamys 1:1

Jamys, gwas Duw ha'n Arloedh Yesu Krist, dhe'n dewdhek loeth yw skattrys: Lowena dhywgh!

1 Peder 1:9

ow tegemmeres siwyans agas fydh: selwyans enevow.

1 Peder 2:16

Bedhewgh rydh mes heb gul devnydh a rydhses avel klok droktra, mes kepar ha gwesyon Duw.

Diskwedhyans 7:13

Hag onan a'n henavogyon a worthybis, ow leverel dhymm ‘Piw yw an re ma yw gwiskys yn powsyow gwynn hag a-ble teuthons?’