Romanyon 6:21 - An Bibel Kernewek 20234 (Kernewek Kemmyn)

²¹ Mes pana frut a'gas bo a'n taklow ma'gas beus meth anedha lemmyn? Diwedh an re na yw mernans.

Romanyon 6:21 ပူးပေါင်းရင်းမြစ်များ

1 Myghternedh 2:26

Yn-medh an myghtern dhe Abiathar an oferyas, ‘Ke dhe Anathoth, dhe'th parkow dha honan, rag ty a dhervynn an mernans. Mes ny wrav vy dha ladha yn eur ma, rag ty a dhug argh an Arloedh Duw a-rag Davydh ow thas, ha drefenn ty dhe wodhav oll an keth ankenyow may hwodhevis ow thas ynna.’

Ezra 9:6

ha leverel, ‘Ow Duw, meth a'm beus hag ankombrys ov may trehavav ow fas dhis, ow Duw: drefenn bos agan drogoberow ynkressys a-ugh agan penn, ha'gan kammweyth ughelhes bys y'n nevow.

Job 33:27

Ev a gan a-rag dus ha leverel, “My re beghas ha kammdreylya an pyth a veu ewn, mes ny dhegemmeris an pyth a dhendilis.

Job 40:4

‘Otta, distyr ov vi; fatell allav gorthybi dhis? My a gudh ow ganow gans ow leuv.

Job 42:6

rakhenna my a'm kas ow honan, ha koedha yn edrek yn doust ha lusu.’

Salmow 73:17

ernag yth vy yn sentri Duw; ena y konvedhis vy aga diwedh i.

Lavarow Koth 1:31

ytho i a dheber froeth a'ga hyns, ha bos lenwys a'ga thowlow aga honan.

Lavarow Koth 14:12

Yma fordh a hevel ewn dhe wour, mes hy diwedh yw fordhow ankow.

Lavarow Koth 16:25

Yma fordh a hevel bos ewn dhe wour, mes hy diwedh yw an fordh dhe ankow.

Ysay 3:10

Leverewgh dhe'n den gwiryon, y fydh da ragdho, rag i a dheber frut aga gwriansow.

Yeremia 12:13

I re hasas gwaneth, ha mysi spern: skwithys yns, mes ny wrons kavoes prow. I a gemmer meth a'ga threvasow drefenn sorr fers an Arloedh.

Yeremia 17:10

My an Arloedh a hwither an golonn, ha previ an dhiwloneth, dhe ri dhe beub herwydh y fordhow, ha herwydh frut y oberow.

Yeremia 3:3

Rakhenna an kowasow re beu skonys, ha ny dheuth an glaw diwedhes; ha ty a'th o tal hora, ty a naghas kemmeres meth.

Yeremia 31:19

Rag wosa my dhe dreylya, my a goedhas yn edrek, ha wosa my dhe vos dyskys, my a weskis ow mordhos; meth a'm bo ha my a veu iselhes, drefenn my dhe dhoen keredh ow yowynkneth.’

Yeremia 8:12

Esa meth dhedha pan wrussons pyth kasadow? Na, ny's tevo meth vytholl, na ny's tevo rudha. Ytho i a wra koedha yn mysk an re a goedh: yn termyn aga hessydhyans i a vydh domhwelys, yn-medh an Arloedh.

Ezekiel 43:11

Ha mar perthons meth drefenn pup-tra a wrussons, diskwedh dhedha furv an tempel, y aray, y fordhow mes ha'y entransow – oll y laghys, oll y ordenansow, ha'y desin kowal. Skrif hemma a-rag aga dewlagas, may hwitthons ha siwya an desin kowal hag oll y ordenansow, ha'ga gul.

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Romanyon 1:32

Kyn hwodhons ordenans Duw may tegoedh an mernans dhe'n re a wra taklow a'n par ma, ny's gwrons yn unnsel mes plegadow gansa yw an re a's gwra.

Romanyon 5:12

Ytho dell dheuth pegh a-bervedh y'n bys der unn den ha mernans dre begh, hag yndella mernans a lesas dhe dus oll drefenn dus oll dhe begha –

Romanyon 6:16

A ny wodhowgh hwi mar omrowgh dhe nebonan avel kethyon wostydh, hwi dhe vos kethyon poran dhe'n den na mayth owgh gostydh dhodho – po dhe begh, hag a hembronk dhe'n mernans, po dhe wostytter hag a hembronk dhe ewnheans?

Romanyon 6:23

Rag gobrow pegh yw mernans, mes ro Duw yw bewnans heb diwedh yn Krist Yesu agan Arloedh.

Romanyon 7:5

Ha ni hwath ow pewa y'n kig, agan drokhwansow a begh drehevys gans an lagha, a oberi yn agan eseli dhe dhoen frut rag mernans.

Romanyon 8:13

rag mar pewowgh war-lergh an kig, merwel a wrewgh; mes mar korrowgh der an Spyrys gweythresow an korf, bewa a wrewgh.

Romanyon 8:6

Rag brys an kig yw mernans, mes brys an Spyrys yw bewnans ha kres.

2 Korinthianys 4:2

mes ni re hepkorras traow kevrinek ha divlas; ny wren ni gul devnydh a felder, na gul kamm ger Duw, mes dre dhiskwedhyans a'n gwiryonedh ni a omgommend dhe gowses pub huni dherag Duw.

2 Korinthianys 7:11

Otta lemmyn, an keudh duwek ma, dredho pana frethter a veu oberys ynnowgh, pana omaskusyans, pana sorrvann, pana own, pana hwans ter, pana dhiwysygneth, pana gessydhyans. Yn pup-tra hwi re ombrovas ankablus y'n mater ma.

Dewteronomi 17:6

Orth ganow dew dhustunier po tri dustunier, an den dampnys dhe'n mernans a vydh ledhys. Ny vydh ledhys orth unn ganow.

Dewteronomi 21:22

Mars eus yn gour pegh a dhervynn an mernans, hag ev yw gorrys dhe'n mernans, ha ty a'n kreg war wydhenn,

Filippianys 3:19

Aga diwedh yw diswrians, aga duw yw an dorr, hag yma aga glori yn aga meth, gorrys aga brys war daklow an dor.

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?

Ebrowyon 6:8

Mes mar tre yn-rag spern hag askall yth yw heb les hag ogas milliges; ha leski vydh y dhiwedh.

Jamys 1:15

Ena tebel-ewl, wosa omdhoen, a dhineyth peghadow, ha peghadow kowlwrys a dhineyth ankow.

Jamys 5:20

godhvydhes ev: neb a dreyl peghador a'y gammfordh a selow y enev a ankow, ha kudha peghosow pals.

1 Peder 4:17

Rag devedhys yw an termyn dhe dhalleth an vreus orth teylu Duw, ha mar talleth orthyn ni, pandr'a vydh gorfenn an re nag yw gostydh dhe aweyl Duw?

1 Yowann 2:28

Ha lemmyn, fleghigyow, trigewgh ynno rag ma'gan bo fydhyans ynno pan omdhiskwettho, ha ma na'gan bo meth a-ragdho orth y dhevedhyans.

Diskwedhyans 16:6

Rag i a skoellyas goes an syns ha'n brofoesi, ha ty re ros dhedha goes dhe eva. Gwiw yns i a henna!’

Diskwedhyans 20:14

Hag ankow hag ifarn a veu tewlys y'n lynn a dan. Hemm yw an nessa mernans, an lynn a dan.