Romanyon 6:16 - An Bibel Kernewek 20234 (Kernewek Kemmyn)

¹⁶ A ny wodhowgh hwi mar omrowgh dhe nebonan avel kethyon wostydh, hwi dhe vos kethyon poran dhe'n den na mayth owgh gostydh dhodho – po dhe begh, hag a hembronk dhe'n mernans, po dhe wostytter hag a hembronk dhe ewnheans?

Romanyon 6:16 ပူးပေါင်းရင်းမြစ်များ

Jenesis 4:7

Mar kwre'ta yn ta, a ny vydh drehevys? Ha mar ny wredh yn ta, yma pegh ow skolkya orth an daras; ev yw hwansek dhe'th kavoes, mes ty – ty a wra y fetha.’

Matthew 20:4

hag yn-medh ev dhedha, “Ewgh hwi ynwedh y'n winlann ha pypynag oll a vo ewn my a'n re dhywgh hwi.”

Matthew 6:24

‘Ny yll denvyth servya dew vester; rag poken ev a gas an eyl ha kara y gila, po lel yw dhe'n eyl hag ev a dhispres y gila. Ny yllowgh servya ha Duw ha mammon.

Yowann 8:34

Yesu a worthybis dhedha, ‘Yn hwir, yn hwir y lavarav dhywgh, pubonan a wra pegh yw keth dhe begh.

Romanyon 11:2

Ny dewlis Duw y bobel dhe-ves neb a ragaswonnis ev. Po a ny wodhowgh hwi pandr'a lever an skryptor a-dro dhe Elias, fatell bys ev Duw erbynn Ysrael?

Romanyon 12:1

My a'gas pys, a vreder, dre druedhow Duw, may proffyowgh agas korf avel sakrifis bew, sans, plegadow dhe Dhuw, hag yth yw agas gwir wonis spyrysel;

Romanyon 6:17

Mes dhe Dhuw re bo grasow, rag hwi, a vedha kethyon dhe begh, yw devedhys ha bos gostydh a leun golonn dhe'n patron a dhyskas may fewgh delivrys dhodho,

1 Korinthianys 3:16

A ny wodhowgh hwi agas bos tempel Duw ha bos Spyrys Duw trigys ynnowgh?

1 Korinthianys 5:6

Agas bostyans nyns yw da. A ny wodhowgh hwi y hwra tamm goell dhe oll a'n toes sevel?

1 Korinthianys 6:2

A ny wodhowgh hwi y hwra an syns breusi an bys? Ha mars yw an bys dhe vos breusys genowgh hwi, owgh hwi anwiw dhe vreusi maters byghan?

1 Korinthianys 6:3

A ny wodhowgh hwi y hwren ni breusi eledh? Pygemmys moy traow an bewnans ma!

1 Korinthianys 6:9

A ny wodhowgh hwi na wra drogoberoryon erita gwlaskor Duw? Na vedhewgh toellys! Na tus dhijast, na gordhyoryon idolys, nag avoutroryon, na'n re vedhel, na kethreydhelogyon,

1 Korinthianys 9:13

A ny wodhowgh hwi an re arvethys y'n tempel dhe gavoes aga boes dhiworth an tempel, ha'n re ow servya orth an alter dhe gevrenna an pyth re beu offrynnys?

1 Korinthianys 9:24

A ny wodhowgh hwi bos an resoryon oll yn resegva ow kesstrivya, mes ny dhendil an gober marnas onan? Y'n for' ma gwrewgh ma'n kyffowgh.

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’

2 Peder 2:19

I a ambos rydhses dhedha, kyn fons i aga honan kethwesyon diswrians, rag den mars yw fethys gans nebonan, dhodho ev kethwas gyllys yw.