Romanyon 6:14 - An Bibel Kernewek 20234 (Kernewek Kemmyn)

¹⁴ Rag ny'n jevydh pegh maystri warnowgh, a-ban nag esowgh yn-dann lagha mes yn-dann ras.

Romanyon 6:14 ပူးပေါင်းရင်းမြစ်များ

Levitikus 25:41

Ena ev a omdenn dhiworthis, ev ha'y fleghes ganso, hag ev a dhehwel dh'y deylu ev; dhe berghennogeth y dasow y hwra ev dehweles.

Mika 7:19

Ev a gemmer truedh ahanan arta, ha trettya agan drogoberow yn-dann y dreys. Ty a dewl agan peghosow oll yn downder an mor.

Matthew 1:21

Ha hi a dhineyth mab, ha ty a'n henow Yesu; rag ev a saw y bobel dhiworth aga feghosow.’

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 1:17

rag an lagha a veu res dre Moyses; gras ha gwirder a dheuth dre Yesu Krist.

Yowann 8:36

Ytho mar kwra an Mab agas rydhhe, rydh yn tevri a vydhowgh.

Romanyon 11:6

Ha mars yw a ras, nyns yw na fella a oberow, po ny via gras na fella gras.

Romanyon 4:16

Ytho an ambos a dheu dhiworth fydh, may fo dre ras ha may fo surhes dhe oll y dhiyskynnysi – na vo unnsel dhe'n re a hol an lagha mes ynwedh dhe'n re usi a fydh Abraham, neb yw tas dhyn ni oll.

Romanyon 5:17

Mar reynya mernans dre gammwrians unn den der an unn den na, kemmys moy y hwra reynya yn bewnans an re hag a gemmer palster a'n ras ha'n ro rydh a ewnder der an unn den Yesu Krist.

Romanyon 5:18

Ytho dell dhug drogober unn den dampnasyon tus oll, yndella ober gwiryon unn den a dheg ewnheans ha bewnans rag tus oll.

Romanyon 6:12

Ytho na reynyes pegh yn agas korf marwel bys may fydhowgh gostydh dh'y dhrokhwansow.

Romanyon 6:15

Pandra ytho? A wren ni pegha drefenn nag eson yn-dann lagha mes yn-dann ras? Kammenn vyth!

Romanyon 8:12

Yndella, hwi vreder, kendonoryon on, nyns yw dhe'n kig, dhe vewa war-lergh an kig –

Romanyon 8:2

Rag lagha Spyrys bewnans yn Krist Yesu re'th tigolmas dhiworth lagha pegh ha mernans.

Galatianys 3:23

Kyns bos fydh devedhys, yth eson ni gwithys yn-dann lagha, prisonys bys pan ve an fydh diskudhys wortiwedh,

Galatianys 4:21

Leverewgh dhymm, hwi a vynn bos yn-dann lagha, a ny glewowgh an lagha?

Galatianys 5:18

Saw mars owgh hwi ledys der an Spyrys, ena nyns esowgh hwi yn-dann an lagha.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 8:10

Hemm yw an kevambos hag a wrav gans chi Ysrael wosa an dydhyow na, yn-medh an Arloedh; my a worr ow laghow yn aga brys, ha'ga skrifa war aga holonn, ha my a vydh aga Duw, hag i a vydh ow fobel.