Romanyon 6:12 - An Bibel Kernewek 20234 (Kernewek Kemmyn)

¹² Ytho na reynyes pegh yn agas korf marwel bys may fydhowgh gostydh dh'y dhrokhwansow.

Romanyon 6:12 ပူးပေါင်းရင်းမြစ်များ

Jenesis 4:7

Mar kwre'ta yn ta, a ny vydh drehevys? Ha mar ny wredh yn ta, yma pegh ow skolkya orth an daras; ev yw hwansek dhe'th kavoes, mes ty – ty a wra y fetha.’

Salmow 119:133

Orden ow hammow y'th lavar, ha na wres drogoberow maystri warnav.

Salmow 19:13

Gwith dha was ynwedh rag peghosow bolder; na wrens i maystri warnav! Ena divlam vydhav, ha my a vydh glan a gammweyth meur.

Levitikus 13:40

Gour, koedhys y wols dhiworth y benn, yw blogh, mes glan yw.

Niverow 33:55

Mes mar ny fesyowgh trigoryon an tir a-dheragowgh, ena an re anedha a esowgh dhe wortos a vydh avel dreyn yn agas lagasow ha pigow yn agas tenwennow, hag i a'gas trobel y'n tir may fydhydh trigys.

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

Romanyon 2:8

Mes rag an re neb der avi yw diwostydh dhe'n gwiryonedh, mes dhe'n droktra gostydh y fydh konnar ha sorr bras.

Romanyon 5:21

rag may kwrella gras reynya par dell reynya pegh yn mernans, der ewnder dhe vewnans heb diwedh dre Yesu Krist agan Arloedh.

Romanyon 6:14

Rag ny'n jevydh pegh maystri warnowgh, a-ban nag esowgh yn-dann lagha mes yn-dann ras.

Romanyon 6:16

A ny wodhowgh hwi mar omrowgh dhe nebonan avel kethyon wostydh, hwi dhe vos kethyon poran dhe'n den na mayth owgh gostydh dhodho – po dhe begh, hag a hembronk dhe'n mernans, po dhe wostytter hag a hembronk dhe ewnheans?

Romanyon 8:11

Mars usi trigys ynnowgh y Spyrys ev, neb a dhrehevis Yesu a vernans, ev neb a dhrehevis Yesu a vernans a re bewnans dh'agas korf marwel ynwedh der y Spyrys usi trigys ynnowgh.

Romanyon 8:13

rag mar pewowgh war-lergh an kig, merwel a wrewgh; mes mar korrowgh der an Spyrys gweythresow an korf, bewa a wrewgh.

2 Korinthianys 4:11

Rag, ha ni yn few, prest yth on ni delivrys dhe'n mernans a-barth Yesu, may fo diskwedhys ynwedh bewnans Yesu yn agan kig marwel.

2 Korinthianys 5:4

Yn tevri, ha ni hwath y'n tylda ma, ni a gyn ha beghys on, drefenn na vynnyn ni diwiska mes gwiska hwath moy, may fo an pyth yw marwel kollenkys gans bewnans.

Galatianys 5:16

Y lavarav, kerdhewgh war-lergh an Spyrys, saw na wrewgh kollenwel lust an kig.

Galatianys 5:24

Seul eus dhe Grist Yesu re growsyas an kig, keffrys ha'n yeunesow ha'n hwansow.

Efesianys 2:3

hag yn aga mysk, ni oll ynwedh a wre omdhegi kyns yn yeunadow agan kig, ow kul hwansow an kig ha'n prederow, hag yth en ni dre natur fleghes sorr kepar ha'n re erell ynwedh.

Efesianys 4:22

may hworrewgh mes ahanowgh an den koth, agas bewedh kyns, yw shyndys dre fals hwansow,

Dewteronomi 7:2

ha pan wra an Arloedh dha Dhuw aga delivra dhis, ty a wra aga gweskel, ha'ga sakra dhe dhistruyans. Na wra kevambos gansa, nag dhiskwedhes mersi.

1 Thessalonianys 4:5

heb passhyon drokhwans kepar ha'n Jentilys na aswonn Duw;

2 Timothi 2:22

Gwra goheles ytho an drokhwansow a yowynkneth, mes siw ewnder, fydh, kerensa, kres gans an re a elow war an Arloedh yn-mes a golonn lan.

Titus 2:12

orth agan dyski may hwryllyn hepkorr ansansoleth ha drokhwansow an bys, ha bewa gans doethter, gwiryon ha sans y'n oes ma,

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

1 Peder 1:14

Kepar ha fleghes wostydh, na wrewgh war-lergh hwansow an termyn a'gas fowt a skians,

1 Peder 2:11

Karadowyon, my a'gas pys avel alyons ha divresow mayth omwithewgh rag hwansow an kig a wra gwerrya erbynn an enev.

Lyther Yud 1:16

An re ma yw grolyogyon grodhek, omres dh'aga flesours aga honan, ha'ga ganow yw leun a vostyans, ow favera tus rag gwayn.

Lyther Yud 1:18

pan lavarsons i dhywgh, ‘Y'n termyn diwettha y fydh gesyoryon ow kerdhes war-lergh aga hwansow ansans aga honan.’

Breusysi 2:3

Ytho my a lever dhywgh lemmyn, ny wrav aga chasya dhe-ves a-dheragowgh; mes i a ha bos kesstrivoryon dhywgh, ha'ga duwow a vydh antell dhywgh.’