Romanyon 6:10 - An Bibel Kernewek 20234 (Kernewek Kemmyn)

¹⁰ Dell verwis, y ferwis ev unnweyth dhe begh, mes dell vew, y few ev dhe Dhuw.

Romanyon 6:10 ပူးပေါင်းရင်းမြစ်များ

Luk 20:38

Ha nyns yw ev Duw a'n re varow mes a'n re vew, rag dhodho ev peub oll yw yn few.’

Romanyon 6:11

Ytho y tegoedh dhywgh hwi omsynsi marow dhe begh mes ow pewa dhe Dhuw yn Krist Yesu.

Romanyon 6:9

Rag y hwodhon na verow Krist arta wosa y vos drehevys a'n re varow vernans; ny'n jeves mernans maystri warnodho na fella.

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

2 Korinthianys 5:15

hag ev a verwis a-barth oll, ma na vewa an re vew dhedha aga honan na fella, mes dhodho ev neb a verwis hag a veu dastrehevys a-barth dhedha.

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

1 Peder 4:6

Rakhenna y feu an aweyl pregewthys hwath dhe'n re varow, may fewens yn spyrys war-lergh Duw, kyn fens i breusys avel mab-den y'n kig war-lergh mab-den.