Romanyon 5:9 - An Bibel Kernewek 20234 (Kernewek Kemmyn)

⁹ Ytho a-ban on justifiys gans y woes, dhe voy y fydhyn selwys dredho a gonnar Duw.

Romanyon 5:9 ပူးပေါင်းရင်းမြစ်များ

Yowann 5:24

Yn hwir, yn hwir y lavarav dhywgh, ev neb a glew ow ger hag a grys yn neb a'm dannvonas, yma dhodho bewnans heb diwedh, ha ny dheu dhe'n vreus, mes re dremenas a vernans dhe vewnans.

Romanyon 1:18

Rag diskwedhys yw sorr Duw dhiworth nev erbynn oll ansansoleth ha kammhynseth a dus a lett an gwirder yn kammhynseth.

Romanyon 5:1

Rag a-ban on justifiys dre fydh, kres a'gan beus gans Duw der agan Arloedh Yesu Krist

Romanyon 5:10

Rag mars en unnverhes gans Duw, ha ni hwath eskerens, dre vernans y Vab, kemmys moy, wosa ni dhe vos unnverhes y fydhyn selwys gans y vewnans.

Romanyon 8:1

Lemmyn nyns eus dampnya rag an re usi yn Krist Yesu.

Romanyon 8:30

Ha'n re a ragdhestnas, ev a's elwis ynwedh; ha'n re a elwis, ev a's justifias ynwedh; ha'n re a justifias, ev a's glorifias ynwedh.

Efesianys 2:13

Mes lemmyn yn Krist Yesu hwi, neb a vedhewgh pell yn termyn eus passyes, eth ha bos ogas, dre woes Krist.

Efesianys 2:3

hag yn aga mysk, ni oll ynwedh a wre omdhegi kyns yn yeunadow agan kig, ow kul hwansow an kig ha'n prederow, hag yth en ni dre natur fleghes sorr kepar ha'n re erell ynwedh.

1 Thessalonianys 1:10

ha dhe wortos y Vab dhiworth an nevow a dhrehevis dhiworth an re varow, Yesu, neb a'gan delivras dhiworth an sorr ow tos.

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.

Ebrowyon 9:22

Yn hwir, herwydh an lagha ogas pub tra yw glanhes gans goes, ha heb skoellya goes ny vydh dehwelyans peghosow.

1 Yowann 1:7

Mes mar kerdhyn y'n golewder dell usi ev y'n golewder, ni a'gan beus kowethyans an eyl gans y gila, ha goes Yesu Krist a'gan golgh a bub peghes.