Romanyon 5:15 - An Bibel Kernewek 20234 (Kernewek Kemmyn)

¹⁵ Mes nyns yw an ro rydh haval dhe'n kammweythres. Rag mar merwis lies dre dreuspass unn den, kemmys moy re balshas gras Duw ha'n ro rydh yn gras an unn den Yesu Krist rag lies.

Romanyon 5:15 ပူးပေါင်းရင်းမြစ်များ

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Matthew 20:28

kepar dell na dheuth Mab an den dhe vos servys mes dhe servya, ha dhe ri y vewnans avel daspren rag lies.’

Matthew 26:28

rag hemm yw ow goes a'n kevambos nowydh yw skoellys rag lies dhe dhehwelyans peghosow.

Yowann 3:16

‘Rag kemmys y karas Duw an bys, may ros ev y unn Vab dineythys, rag nag ella dhe goll neb a grys ynno ev, mes may fe dhodho bewnans heb diwedh.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Oberow 15:11

Mes dre ras an Arloedh Yesu ni a grys agan bos selwys y'n keth vaner ha'n re na ynwedh.’

Romanyon 5:12

Ytho dell dheuth pegh a-bervedh y'n bys der unn den ha mernans dre begh, hag yndella mernans a lesas dhe dus oll drefenn dus oll dhe begha –

Romanyon 6:23

Rag gobrow pegh yw mernans, mes ro Duw yw bewnans heb diwedh yn Krist Yesu agan Arloedh.

2 Korinthianys 5:14

Rag kerensa Krist a'gan stroeth, drefenn agan kryjyans dhe vos ha bos fyrv y ferwis onan a-barth oll, rakhenna oll re verwis;

2 Korinthianys 9:15

Grasow re bo dhe Dhuw a'y ro na yllir y dheskrifa.

Efesianys 2:8

Rag gans gras hwi re beu selwys dre fydh; ha nyns yw hemma ahanowgh hwi, ro Duw yw ev.

Ebrowyon 2:9

Mes ni a wel Yesu, neb a veu gwrys nebes isella ages an eledh, lemmyn kurunys gans golewder hag enor dre wodhevel mernans, may tastya mernans rag pub huni, dre ras Duw.

1 Yowann 2:2

Hag ev yw dehwelyans rag agan peghosow: ha nyns yw unnsel rag agan peghosow ni, mes ynwedh rag peghosow an bys oll.

1 Yowann 5:11

Ha hemm yw an dustuni, Duw dhe ri dhyn bewnans heb diwedh, ha bos an bewnans ma yn y Vab.