Romanyon 5:10 - An Bibel Kernewek 20234 (Kernewek Kemmyn)

¹⁰ Rag mars en unnverhes gans Duw, ha ni hwath eskerens, dre vernans y Vab, kemmys moy, wosa ni dhe vos unnverhes y fydhyn selwys gans y vewnans.

Romanyon 5:10 ပူးပေါင်းရင်းမြစ်များ

2 Kroniklys 29:24

An oferysi a's ladhas hag a wrug offrynn gans aga goes war an alter, rag gul dehwelyans a-barth oll Ysrael. Rag an myghtern a worhemmynnis may hwreller an offrynn leskys ha'n offrynn pegh a-barth oll Ysrael.

Ezekiel 45:20

Ty a wra yndella yn seythves dydh an mis rag gour a beghas heb y wodhvos, po dre sempledh ty a wra prenedh rag an tempel.

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Levitikus 6:30

Ha ny vydh dybrys offrynn pegh vyth mayth yw dres an goes anodho a-ji dhe dylda an kuntelles dhe wul dehwelyans y'n tyller sans. Leskys vydh y'n tan.

Yowann 14:19

Hwath pols byghan ha'n bys ny'm gwel namoy; mes hwi a'm gwel, rag my a vew, ha hwi ynwedh a vew.

Yowann 5:26

Rag kepar dell eus dhe'n Tas bewnans ynno y honan, yndella ynwedh ev re wrontyas dhe'n Mab kavoes bewnans ynno y honan.

Yowann 6:40

Rag hemm yw bolonjedh ow Thas: pubonan a wel an Mab ha krysi ynno a gyv bewnans heb diwedh, ha my a'n drehav dydh fin.’

Yowann 6:57

Dell y'm dannvonas an Tas bew, ha my a vew der an Tas, yndella neb a'm deber, henna a'n jevydh bewnans dredhov vy.

Romanyon 11:28

Ow tochya an aweyl, eskerens yns dhe Dhuw, a'th wovis; mes ow tochya dewisyans, kerys yns a-barth an tasow.

Romanyon 5:11

Yndella ha nahen, mes ni a vost yn Duw der agan Arloedh Yesu Krist, may kevsyn dredho lemmyn agan unnverheans.

Romanyon 5:6

Ha ni hwath heb gweres, dhe'n ewn dermyn y ferwis Krist rag an re ongrassyes.

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

Romanyon 8:34

Piw a guhudh? Yesu Krist yw, neb a verwis, yn hwir, hag a veu drehevys a'n mernans, hag usi a'n dhyghowbarth dhe Dhuw, hag a bys ragon.

Romanyon 8:7

Yndella an brys a wra fors a'n kig, yw eskarogeth erbynn Duw; nyns yw gostydh dhe lagha Duw, yn hwir ny yll bos yndella,

2 Korinthianys 5:20

Rakhenna, a-barth Krist kannasow on ni, kepar dell vo Duw ow pledya dredhon. Ni a'gas pys, a-barth Krist, bedhewgh unnverhes gans Duw.

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Efesianys 2:16

ha may hwrella dhe'n dhew bos unnverhes yn unn korf dhe Dhuw der an grows, dredhi ow ladha an eskarogeth.

Efesianys 2:3

hag yn aga mysk, ni oll ynwedh a wre omdhegi kyns yn yeunadow agan kig, ow kul hwansow an kig ha'n prederow, hag yth en ni dre natur fleghes sorr kepar ha'n re erell ynwedh.

Ebrowyon 2:17

Ytho, y tegoedhva dhodho bos haval dh'y vreder yn pub tremmynn, mayth ella ha bos arghoferyas tregeredhus ha lel yn gonis Duw, dhe wul dehwelyans rag peghosow an bobel.

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.

1 Yowann 2:1

Ow fleghigyow, an re ma a skrifav dhywgh, rag na begghowgh. Ha mar pegh denvyth, yma dhyn pledyas gans an Tas, Yesu Krist, an gwiryon.

1 Yowann 4:10

Yn hemma yw kerensa, nyns yw ni dhe gara Duw, mes ev dhe dhannvon y Vab dhe vos an dehwelyans rag agan peghosow.

Diskwedhyans 1:18

ha neb a vew; hag yth eth ha bos marow; hag otta, bew ov vy trank heb worfenn, hag y'm beus alhwedhow ankow hag ifarn.