A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.
Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.
Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’
Lies kenedhel a vydh junys dhe'n Arloedh y'n jydh na hag i a vydh ow fobel. My a wra triga y'th fysk ha hwi a woer y hwrug Arloedh an luyow ow dannvon dhis.
Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.
rag may fiv vy menyster Yesu Krist dhe'n kenedhlow, avel oferyas dhe aweyl Yesu Krist rag may fo offrynn an kenedhlow kemmeradow, sanshes gans an Spyrys.