Romanyon 3:28 - An Bibel Kernewek 20234 (Kernewek Kemmyn)

²⁸ Rag ni a syns den dhe vos justifiys dre fydh a-der der oberow an lagha.

Romanyon 3:28 ပူးပေါင်းရင်းမြစ်များ

Yowann 5:24

Yn hwir, yn hwir y lavarav dhywgh, ev neb a glew ow ger hag a grys yn neb a'm dannvonas, yma dhodho bewnans heb diwedh, ha ny dheu dhe'n vreus, mes re dremenas a vernans dhe vewnans.

Yowann 6:40

Rag hemm yw bolonjedh ow Thas: pubonan a wel an Mab ha krysi ynno a gyv bewnans heb diwedh, ha my a'n drehav dydh fin.’

Romanyon 3:26

henn o dhe brevi y'n eur ma ev y honan dhe vos gwiryon hag ev dhe justifia neb a'n jeves fydh yn Yesu.

Romanyon 4:5

Ha dhe neb na lavur mes neb a drest ynno ev neb a justifi an den ongrassyes, y reknir y fydh avel ewnder.

Romanyon 5:1

Rag a-ban on justifiys dre fydh, kres a'gan beus gans Duw der agan Arloedh Yesu Krist

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

1 Korinthianys 6:11

Hag yndella y fedha re ahanowgh hwi; mes golghys vewgh, sanshes vewgh, akwitys vewgh yn hanow an Arloedh Yesu Krist ha gans Spyrys agan Duw.

Galatianys 2:16

ow konvedhes nag yw denvyth ewnhes der oberow a'n lagha mes dre fydh yn Krist Yesu, ha nyni a grysis yn Krist Yesu, may fen ni justifiys dre fydh yn Krist hag a-der der oberow a'n lagha; rag ny vydh kig vytholl justifiys der oberow a'n lagha.

Galatianys 3:24

ytho an lagha o agan mester orth agan dri war-tu ha Krist, rag may fen ni justifiys dre fydh;

Galatianys 3:8

Skryptor, ow ragweles Duw dhe justifia an Jentilys dre fydh, a dharganas an aweyl dhe Abraham: ‘An Jentilys oll a vydh benniges ynnos’,

Efesianys 2:9

Nyns yw a wriansow, ma na vostyo denvyth.

Filippianys 3:9

ha may fiv kevys ynno, heb kavoes ow ewnder vy a dheu a'n lagha mes an ewnder a dheu dre fydh yn Krist, an ewnder a dheu a Dhuw, selys war fydh;

Titus 3:7

may teffyn ha bos heryon war-lergh govenek bewnans heb worfenn, justifiys gans y ras.

Jamys 2:18

Mes nebonan a lever, ‘Yma fydh genes jy, ha gwriansow genev vy.’ Diskwa dhymm dha fydh jy heb gwriansow, ha my a vynn diskwedhes dhis ow fydh vy der ow gwriansow.

Jamys 2:20

A vynn'ta godhvos, a dhen koeg, bos euver fydh heb gwriansow?

Jamys 2:24

Ty a wel den dhe vos justifiys dre wriansow, a-der dre fydh yn unnsel.