Romanyon 3:22 - An Bibel Kernewek 20234 (Kernewek Kemmyn)

²² ewnder Duw dre fydh yn Yesu Krist rag oll hag a grys. Rag nyns eus dibarth;

Romanyon 3:22 ပူးပေါင်းရင်းမြစ်များ

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Yeremia 23:6

Yn y dhydhyow Yuda a vydh selwys hag Ysrael a vew yn sawder. Ha hemm yw an hanow may fydh gelwys: An Arloedh agan Ewnder.

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Luk 15:22

Mes y das a erghis dh'y gethwesyon, “Drewgh uskis an gwella pows ha'y gorra warnodho, ha rewgh bysow war y leuv hag eskisyow war y dreys.

Oberow 11:12

Ha'n Spyrys a leveris dhymm mos gansa heb hokya. An hwegh broder ma a dheuth genev ynwedh, ha ni a entras yn chi an gour.

Oberow 15:9

hag ow glanhe aga holonnow dre fydh ny wrug ev dyffrans yntra ni hag i.

Oberow 3:16

Ha'y hanow, dre fydh yn y hanow, a wrug krev an gour ma neb a welowgh hag aswonn, ha'n fydh dredho ev a ros dhodho an yeghes ma a-dheragowgh hwi oll.

Romanyon 1:17

Rag ewnder Duw yw diskwedhys ynni a fydh dhe fydh dell re beu skrifys, ‘An den gwiryon a vew dre fydh.’

Romanyon 10:12

Rag nyns eus dihevelepter ynter an Yedhow ha'n Grek, an keth Arloedh yw dhe oll, a re y rychys dhe oll a elow warnodho.

Romanyon 10:4

Rag Krist yw penn an lagha rag ewnder dhe beub a grys.

Romanyon 2:1

Ytho ny'th eus askus, A dhen, piwpynag a vi, ow preusi den arall; rag pan vreusydh den arall y preusydh er dha bynn dha honan rag ty, an breusyas, a wra an keth taklow dha honan.

Romanyon 3:30

drefenn Duw dhe vos onan; hag ev a justifi an re a's teves trodreghyans war sel aga fydh ha'n re antrodreghys der aga fydh.

Romanyon 4:16

Ytho an ambos a dheu dhiworth fydh, may fo dre ras ha may fo surhes dhe oll y dhiyskynnysi – na vo unnsel dhe'n re a hol an lagha mes ynwedh dhe'n re usi a fydh Abraham, neb yw tas dhyn ni oll.

Romanyon 8:1

Lemmyn nyns eus dampnya rag an re usi yn Krist Yesu.

Romanyon 9:30

Pandr'a leveryn ytho? An kenedhlow na siwyens ewnder re gavas ewnder dre fydh;

1 Korinthianys 12:13

Rag der unn Spyrys ni oll a veu besydhys yn unn korf, Yedhewon po Grekys, kethyon po tus rydh, ha dhyn ni oll y feu gwrys dhe eva yn unn Spyrys.

1 Korinthianys 4:7

Rag piw a wel dha vos arbennik? Ha pandra a'th eus na dhegemmersys? Ha mara'n degemmersys, prag y fostydh, kepar ha pan na dhegemmersys?

Galatianys 2:16

ow konvedhes nag yw denvyth ewnhes der oberow a'n lagha mes dre fydh yn Krist Yesu, ha nyni a grysis yn Krist Yesu, may fen ni justifiys dre fydh yn Krist hag a-der der oberow a'n lagha; rag ny vydh kig vytholl justifiys der oberow a'n lagha.

Galatianys 2:20

bew ov, mes na fella my ow honan, mes Krist a vew ynnov; an bewnans a'm beus y'n eur ma y'n kig my a vew yn fydh Mab Duw neb a'm karas hag omri y honan ragov.

Galatianys 3:22

mes an Skryptor re dhegeas pup-tra yn-dann begh may fo an ambos dre fydh yn Yesu Krist res dhe'n re a grys.

Galatianys 3:28

Ny yllir bos namoy Yedhow na Grek, na keth na den rydh, na gorow na benow, rag yth owgh hwi oll onan yn Krist Yesu,

Efesianys 3:12

yn neb y'gan beus kolonnekter ha fordh dhodho yn trest dre fydh ynno.

Filippianys 3:9

ha may fiv kevys ynno, heb kavoes ow ewnder vy a dheu a'n lagha mes an ewnder a dheu dre fydh yn Krist, an ewnder a dheu a Dhuw, selys war fydh;

Kolossianys 3:11

Omma nyns eus Grek na Yedhow, trodreghyans nag antrodreghyans, den barbarus, Skythyas, kethwas, den rydh; mes Krist yw pup-tra, hag yn pup-tra yma ev.

Jamys 2:23

Ha kollenwys veu an skryptor ow leverel, ‘Abraham a fydhyas yn Duw hag akontys veu hemma dhodho avel ewnder’, hag y'n gelwys, ‘Koweth Duw.’