Romanyon 3:21 - An Bibel Kernewek 20234 (Kernewek Kemmyn)

²¹ Mes lemmyn ewnder Duw re beu diskwedhys a-der gans an lagha, kyn hwrug an lagha ha'n brofoesi doen dustuni anodho,

Romanyon 3:21 ပူးပေါင်းရင်းမြစ်များ

Jenesis 15:6

Hag ev a fydhyas y'n Arloedh, hag ev a'n akontyas dhodho avel ewnder.

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Ysay 51:8

Rag an goedhan a wra aga dybri avel kweth, ha'n pryv a wra aga dybri avel gwlan; mes ow ewnder a vydh heb diwedh, ha'm selwyans a unn henedh dhe'n nessa.

Ysay 54:17

Ny wra seweni arv vyth yw furvys er dha bynn, ha ty a wra dampnya pub taves a sev orthis yn breus. Hemm yw ertach gwesyon an Arloedh, ha'ga ewnheans a dheu dhiworthiv, yn-medh an Arloedh.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Yeremia 33:16

Y'n dydhyow na Yuda a vydh selwys ha Yerusalem a drig yn sawder. Ha hemm yw an hanow may fydh henwys: ‘An Arloedh agan gwiryonedh.’

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Luk 24:44

Hag yn-medh ev dhedha, ‘An re ma yw ow geryow a gewsis orthowgh ha my hwath genowgh, bos res pup-tra skrifys a-dro dhymm yn lagha Moyses hag y'n brofoesi hag y'n salmow dhe vos kollenwys.’

Yowann 1:45

Felip a gavas Nathanael ha leverel dhodho, ‘Ni re'n kavas neb a skrifas Moyses hag ynwedh an brofoesi anodho y'n lagha, Yesu mab Yosep, a Nazareth.’

Oberow 10:43

Dhe hemma, oll an brofoesi a dhustuni, kemmys a grysso ynno dhe dhegemmeres dehwelyans peghosow der y hanow.’

Oberow 15:11

Mes dre ras an Arloedh Yesu ni a grys agan bos selwys y'n keth vaner ha'n re na ynwedh.’

Oberow 26:22

Bys y'n jydh ma my re gavas sokor dhiworth Duw, ha rakhenna my a sev ow tustunia orth byghan ha bras, heb leverel travyth marnas an taklow a leveris ha'n brofoesi ha Moyses y hwrens hwarvos,

Oberow 28:23

I a settyas dydh ganso, hag i a dheuth yn y ji, meur aga niver. A vyttin bys yn gorthugher ev a styryas dhedha, ow toen dustuni a-dro dhe wlaskor Duw, hag owth assaya gul dhedha krysi a-dro dhe Yesu, dhiworth lagha Moyses keffrys dhiworth an brofoesi.

Romanyon 1:17

Rag ewnder Duw yw diskwedhys ynni a fydh dhe fydh dell re beu skrifys, ‘An den gwiryon a vew dre fydh.’

Romanyon 1:2

a ragambosas der y brofoesi yn skryptors sans,

Romanyon 16:26

mes lemmyn yw diskudhys ha, der an skrifow profoesek, war-lergh gorhemmynn an Duw heb diwedh, rag gostytter a fydh, yw dyllys dhe'n gwlaskordhow oll:

Romanyon 3:28

Rag ni a syns den dhe vos justifiys dre fydh a-der der oberow an lagha.

Romanyon 5:19

Ytho dell veu lies gwrys peghadoryon dre dhiwostytter unn den, yndella dre wostytter unn den lies a vydh gwrys gwiryon.

Romanyon 5:21

rag may kwrella gras reynya par dell reynya pegh yn mernans, der ewnder dhe vewnans heb diwedh dre Yesu Krist agan Arloedh.

Romanyon 9:30

Pandr'a leveryn ytho? An kenedhlow na siwyens ewnder re gavas ewnder dre fydh;

1 Korinthianys 1:30

Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.

2 Korinthianys 3:9

Rag mars esa golewder y'n menystrans a dhampnasyon, pyseul dhe voy y hwra an menystrans a ewnder palshe yn golewder.

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Galatianys 3:8

Skryptor, ow ragweles Duw dhe justifia an Jentilys dre fydh, a dharganas an aweyl dhe Abraham: ‘An Jentilys oll a vydh benniges ynnos’,

Galatianys 5:5

Rag ni, der an Spyrys, a wayt gans mall an govenek a ewnder, dre fydh.

Filippianys 3:9

ha may fiv kevys ynno, heb kavoes ow ewnder vy a dheu a'n lagha mes an ewnder a dheu dre fydh yn Krist, an ewnder a dheu a Dhuw, selys war fydh;

1 Peder 1:10

An brofoesi, neb a brofoesa a-dro dhe'n gras a vedha dhywgh hwi, a hwilas ha hwithra a-dro dhe'n selwyans ma,

2 Peder 1:1

Simon Peder, gwas hag abostol Yesu Krist, Dhe'n re re gavas fydh drudh kehaval dh'agan fydh ni, yn ewnder agan Duw ha'gan Selwyas Yesu Krist: