Romanyon 2:8 - An Bibel Kernewek 20234 (Kernewek Kemmyn)

⁸ Mes rag an re neb der avi yw diwostydh dhe'n gwiryonedh, mes dhe'n droktra gostydh y fydh konnar ha sorr bras.

Romanyon 2:8 ပူးပေါင်းရင်းမြစ်များ

2 Kroniklys 6:23

klew dhiworth nev hag oberi; breus dha wesyon, owth attyli dhe'n den kablus dre dhri y fara war y benn y honan, hag owth ewnhe den gwiryon, ha'y rewardya herwydh y wiryonedh.

Job 24:13

‘Yma tus a rebell erbynn an golow, tus na aswonn y fordhow, na pesya war y hynsyow.

Salmow 90:11

Piw a aswonn nerth dha sorr, ha'th koler, mar vras dell yw an own ahanas?

Lavarow Koth 11:23

Hwans an re wiryon a dhiwedh pup-prys yn dader, govenek an debeles yn sorr.

Lavarow Koth 13:10

Dre donteth ny dheu saw strif, mes gans an re hag a woslow orth kusul yma furneth.

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Yeremia 34:18

Ha my a re dhe'n wer re gammdremenas erbynn ow hevambos ha ny withsons geryow an kevambos a wrussons a-ragov, pan droghsons an leugh yn diw rann ha tremena ynter y rannow,

Ezekiel 22:31

Ytho my a dhiveris ow sorrvann warnedha; my re's konsumyas gans tan ow honnar; my re attylis aga fordh war aga fenn aga honan, yn-medh an Arloedh Duw.

Nahum 1:6

Piw a yll sevel a-dherag y sorr? Piw a yll perthi y sorr fers? Y sorr yw dinewys yn-mes avel tan, ha terrys dhe demmyn a-ragdho yw an karregi.

Romanyon 1:18

Rag diskwedhys yw sorr Duw dhiworth nev erbynn oll ansansoleth ha kammhynseth a dus a lett an gwirder yn kammhynseth.

Romanyon 10:16

Mes nyns o pubonan gostydh dhe'n aweyl; rag Ysay a lever, ‘A Arloedh, piw a grysis agan derivas?’

Romanyon 15:18

Rag ny vynnav bedha kewsel a-dro dhe dravyth a-der an pyth a wrug Krist ynnov dhe wul an kenedhlow gostydh, dre er ha der ober,

Romanyon 6:17

Mes dhe Dhuw re bo grasow, rag hwi, a vedha kethyon dhe begh, yw devedhys ha bos gostydh a leun golonn dhe'n patron a dhyskas may fewgh delivrys dhodho,

Romanyon 9:22

Mes pandra mar kwrug Duw, gans bodh a dhiskwedhes y gonnar ha dyllo y alloes, perthi gans perthyans meur an lestri a gonnar gwrys gwiw rag distrui,

1 Korinthianys 11:16

Mars yw bodh nebonan dhe vos kavyllek, nyns eus usadow a'n par na dhyn ni na dhe eglosyow Duw.

2 Korinthianys 12:20

Own a'm beus a gavoes, pan dhov, nag owgh hwi par dell vynnav vy, hag ow bos vy kevys genowgh par dell na vynnowgh hwi. Own a'm beus a strivyans, avi, sorr, kedrynnansow, sklanderyow, drokhwystrennow, goeth, derays;

Galatianys 5:20

gordhyans idolys, pystri, kas, strif, envi, sorr, strif, fowt akord, eresys,

Filippianys 1:17

an re na bregoth Krist dre gesstrif, heb lelder, ow mynnes ynkressya ow godhevyans y'm kolmow.

Filippianys 2:3

heb gul travyth dre gesstrif na dre woeth, mes yn uvelder, ow synsi pub den arall dhe vos gwell agesowgh agas honan,

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

Titus 3:9

Mes skon hwithransow gokki, aghskrifow, strifow hag omladhow a-dro dhe'n lagha, rag heb les hag euver yns i.

Ebrowyon 10:27

mes neb gwaytyans ownek a vreus, ha konnar an tan a wra lenki an eskerens.

Ebrowyon 11:8

Dre fydh Abraham o gostydh pan veu gelwys dhe vos dhe dyller may tegemmerra eretons; ev eth yn-rag heb konvedhes ple'th esa ow mos.

Ebrowyon 5:9

ha wosa bos gwrys perfydh, y teuth ha bos fenten a selwyans bys vykken dhe beub yw gostydh dhodho,

Jamys 3:14

Mes mars eus avi hwerow ha strivyans genowgh yn agas kolonn, na wrewgh bostya, na gowleverel erbynn an gwir.

Jamys 3:16

Le may ma avi ha strivyans yma deray ha pub drogober.

1 Peder 3:1

Y'n keth vaner, a wragedh, bedhewgh gostydh dh'agas gwer; ena, kyn fo re anedha nag yw gostydh dhe'n ger, i a yll bos gwaynys heb ger dre bewedh aga gwragedh,

1 Peder 4:17

Rag devedhys yw an termyn dhe dhalleth an vreus orth teylu Duw, ha mar talleth orthyn ni, pandr'a vydh gorfenn an re nag yw gostydh dhe aweyl Duw?

Diskwedhyans 14:10

ev ynwedh a wra eva a'n gwin a'n sorr a Dhuw, dinewys heb gwannhe y'n hanaf a'y sorr, hag ev a vydh tormentys gans tan ha loskven a-dherag an eledh sans hag a-dherag an Oen.

Diskwedhyans 16:19

Ha'n sita vras a veu rynnys yn teyr rann, ha'n sitys a'n kenedhlow a goedhas: ha Babylon vras a veu kovhes a-dherag Duw, dhe ri dhedhi hanaf an gwin a gonnar y sorr.