Romanyon 2:7 - An Bibel Kernewek 20234 (Kernewek Kemmyn)

⁷ dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

Romanyon 2:7 ပူးပေါင်းရင်းမြစ်များ

Job 17:9

An den gwiryon a bes war y fordh, ha'n den glan y dhiwleuv yw krevhes moy ha moy.

Salmow 27:14

Gwra fydhya y'n Arloedh; bydh nerthek ha bedhes dha golonn konfortys; ha gorta an Arloedh.

Salmow 37:3

Trest y'n Arloedh ha gwra da; trig y'n tir, ha bedhes diogeledh yn dha beurva.

Salmow 37:34

Trest y'n Arloedh, ha syns y fordh ev, hag ev a'th ughelha dhe erita an tir; pan vo an debeles treghys dhe-ves, ty a'n wel.

Ezekiel 18:17

neb a dreyl y leuv dhiworth den boghosek, neb na gemmer oker na goroker, neb a wra ow breusow, ha kerdhes y'm ordenansow: ny verow ev drefenn anewnder y das; ev a vew yn surredi.

Matthew 25:46

Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Luk 21:19

Der agas perthyans hwi a wayn agas enev.

Luk 8:15

Mes an dra y'n tir da, yth yns i an re a glew an ger gans kolonn len ha da ha'y witha, ha doen frut gans perthyans.

Yowann 4:36

An myser a gyv y arveth, hag a guntell frut rag bewnans heb diwedh, rag may lowenhaho war-barth an haser ha'n myser.

Yowann 5:44

Fatell yllowgh hwi krysi, neb a dhegemmer enor an eyl dhiworth y gila, mes ny hwilowgh an enor na dheu marnas a Dhuw?

Romanyon 2:10

mes gordhyans hag enor ha kres rag pub huni a wra da, an Yedhow yn kynsa ha'n Grek ynwedh.

Romanyon 6:23

Rag gobrow pegh yw mernans, mes ro Duw yw bewnans heb diwedh yn Krist Yesu agan Arloedh.

Romanyon 8:18

My a dyb na dal galarow an termyn ma bos kehaval dhe'n golewder usi ow tos dhe vos diskwedhys dhyn.

Romanyon 9:23

ha henna may fo godhvedhys rychys y wolewder rag an lestri a dregeredh hag a ragbareusis ev rag golewder,

1 Korinthianys 15:42

Yndella yw dasserghyans an re varow. An pyth yw hesys yn podredhes, dastrehevys yw yn anpodredhes.

1 Korinthianys 15:50

Hemma my a lever, breder: kig ha goes ny yllons erita gwlaskor Duw, na podredhes ny erit anpodredhes.

1 Korinthianys 15:58

Rakhenna, ow breder meurgerys, bedhewgh len, fyrv, pup-prys ow palshe yn gonis an Arloedh, ow kodhvos nag yw euver agas lavur y'n Arloedh.

Galatianys 6:9

Yn masobereth na vedhen digolonnek; rag y'n prys ewn y hwren ni mysi mar ny glamderyn.

Efesianys 6:24

Re bo gras gans pubonan a gar agan Arloedh Yesu Krist gans kerensa anvarwel.

Kolossianys 1:27

dhe neb Duw a vynnas diskudha pyth yw rychys splannder an mysteri ma yn mysk an Jentilys, yw Krist ynnowgh hwi, govenek an splannder.

1 Timothi 1:17

Dhe Vyghtern an oesow, anvarwel, diwel, an unn Duw, re bo enor ha gordhyans trank heb worfenn. Amen.

2 Timothi 1:10

mes diskwedhys lemmyn der omdhiskwedhyans agan Selwador Krist Yesu a wrug diswul ankow ha dri dhe wolow bewnans hag anvarwoleth der an aweyl,

Ebrowyon 2:7

Ty a'n gwrug rag termyn nebes isella ages an eledh, ty re'n kurunas gans golewder hag enor,

Ebrowyon 6:12

ma na vowgh syger mes holyoryon an re a erit, dre fydh ha perthyans, an ambosow.

Ebrowyon 6:15

Hag yndellma wosa perthi hirneth, ev a dhegemmeras an ambos.

1 Yowann 2:25

Ha hemm yw an ambos re ambosas dhyn, bewnans heb diwedh.