Romanyon 2:6 - An Bibel Kernewek 20234 (Kernewek Kemmyn)

⁶ Rag yth attal dhe bub den herwydh y oberow:

Romanyon 2:6 ပူးပေါင်းရင်းမြစ်များ

Job 34:11

Ev a attal dhe dhen an pyth re wrug, hag a surha gour dhe gavoes an pyth re dhendilas.

Salmow 62:12

Ha dhiso jy, A Arloedh, yma tregeredh; rag ty a attal dhe bub huni herwydh y oberow.

Eksodus 32:34

Mes lemmyn, ke, hembronk an bobel dhe'n tyller a gewsis dhis anodho; otta, ow el a wra mos a-ragos. Byttegyns, an jydh may tyffiv, my a wra aga hessydhya a'ga fegh.’

Lavarow Koth 24:12

Mar leverydh, ‘Ny'n godhyen’, a ny'n gwel ev neb a boes an kolonnow? A ny'n goer ev neb a with dha enev? A ny attal dhe dhen herwydh y oberow?

Lavarow Koth 24:2

Rag aga holonn a dhevis freudh, ha'ga diwweus a gews a dhregynn.

Lavarow Koth 26:10

Avel sether neb a woli pub huni yw neb a arveth foll po penn-medhow usi tremena.

Ekklesiastes 3:17

My a leveris y'm kolonn, ‘Duw a vreus ha'n re wiryon ha'n debeles; rag yma termyn gwiw rag pub ober, ha prys breus rag pub gwrians.’

Yeremia 17:10

My an Arloedh a hwither an golonn, ha previ an dhiwloneth, dhe ri dhe beub herwydh y fordhow, ha herwydh frut y oberow.

Yeremia 32:19

meur yn kusul ha nerthek yn gweythres; rag dha lagasow yw igor dhe oll an fordhow a vab-den, dhe ri dhe beub war-lergh y fordhow, ha war-lergh frut y weythresow.

Ezekiel 18:20

An enev a begh a verow; mab ny dheg anewnder an tas, ha tas ny dheg anewnder an mab; ewnder an den gwiryon a vydh warnodho, ha sherewynsi an tebelwas a vydh warnodho.

Ezekiel 18:30

Rakhenna my a'gas breus pubonan war-lergh y fordhow, a ji Ysrael, yn-medh an Arloedh Duw. Koedhewgh yn edrek ha treylyewgh agas honan dhiworth oll agas kammweythresow; ena ny vydh drogober dhywgh ken a drebuchya.

Ezekiel 36:19

My a's skattras yn mysk an kenedhlow, hag y fons lesys der an powyow; my a's breusis war-lergh aga fara ha'ga gwriansow.

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Romanyon 14:22

An fydh a'th eus, gwith hi ragos dha honan a-rag Duw; gwynnvys neb na omvreus y'n pyth yw da ganso.

1 Korinthianys 3:8

Neb a blans ha neb a dhowr yw parow, ha kettep onan a wra degemmeres y wober herwydh y wonis y honan.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

2 Korinthianys 11:15

Nyns yw ankoth, ytho, mar kwra y venysters treusfurvya aga honan dhe venysters a ewnder: may fydh aga diwedh herwydh aga oberow.

2 Korinthianys 5:10

Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.

2 Timothi 4:14

Aleksander an gweythor kober a wrug meur dhrog dhymmo; an Arloedh a re dhodho war-lergh y wriansow.

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.

Diskwedhyans 20:12

Ha my a welas an re varow, bras ha byghan, ow sevel a-dherag an tron; ha rolyow-skrifa a veu igerys; ha ken rol a veu igerys, yw an lyver a vewnans: ha'n re varow a veu breusys der an pyth o skrifys y'n rolyow, war-lergh aga gwriansow.

Diskwedhyans 22:12

‘Otta, my a dheu yn skon, hag yma ow gober genev, dhe ri dhe beub kepar dell yw y ober.