Romanyon 2:4 - An Bibel Kernewek 20234 (Kernewek Kemmyn)

⁴ Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

Romanyon 2:4 ပူးပေါင်းရင်းမြစ်များ

Salmow 10:11

Ev a leveris yn y golonn, ‘Duw re ankovas, ev a gudh y fas, ha ny wel nevra.’

Salmow 104:24

A Arloedh, ass yw lies dha wriansow! Yn furneth ty a's gwrug, i oll; an nor yw leun a'th kreaturs.

Salmow 31:19

Ass yw meur dha dhader, a dharbarydh dhe'n re a'th own, a wrussys rag an re a hwila skovva ynnos jy a-dherag mebyon den!

Salmow 78:38

Mes ev, leun a druedh, a avas aga hammweyth ha ny's distruis. Ha lieskweyth ev a dreylyas dhe-ves y sorr ha ny wrug dhe oll y gonnar difuna.

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

Eksodus 34:6

An Arloedh a dremenas a-ragdho ha gelwel, ‘An Arloedh, an Arloedh, Duw truedhek ha grassyes, lent ow serri ha leun a dregeredh ha lelder,

Ekklesiastes 8:11

Pan nag eus breus gwrys a-dhesempis rag neb drogober, kennerthys yw kolonn mebyon den dhe wul drog.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Yeremia 7:10

hag ena dos ha sevel a-ragov y'n chi ma, may feu ow hanow gelwys warnodho, ha leverel, ‘Saw on’, mes ow pesya gul an traow kasadow ma?

Ezekiel 11:19

My a re dhedha unn golonn, ha my a worr spyrys nowydh ynnowgh; my a gemmer an golonn a ven dhiworth aga horf ha ri dhedha kolonn a gig,

Ezekiel 16:63

rag may perthi kov ha bos methek, heb igeri dha anow arta drefenn dha dhisenor, pan wrav prenedh dhis rag pup-tra re wrussys, yn-medh an Arloedh Duw.

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Yona 4:2

Hag ev a bysis dhe'n Arloedh ow leverel, ‘My a'th pys, A Arloedh, a nyns yw henna an keth tra a leveris vy pan esen hwath y'm pow? Rakhenna my a fias y'n dalleth dhe Tarshish; rag my a wodhva ty dhe vos Duw grassyes ha truedhek, lent ow serri, ha leun a dregeredh, ow kemmeres edrek a'n drog.

Niverow 14:18

“An Arloedh yw lent ow serri, lenwys a dregeredh, ow kava kammweyth ha peghadow, mes ny vynn war neb kor klerhe an re gablus, ow kessydhya kammhynseth tasow war fleghes, war an tressa ha'n peswora henedh.”

Romanyon 10:12

Rag nyns eus dihevelepter ynter an Yedhow ha'n Grek, an keth Arloedh yw dhe oll, a re y rychys dhe oll a elow warnodho.

Romanyon 11:22

Gwel ytho kuvder hag sevureth Duw; sevureth a'n eyl tu orth an re re goedhas hag a'y gila kuvder Duw orthis, mar pesydh yn y guvder, poken y fydhydh treghys dhe-ves ynwedh.

Romanyon 11:33

O, downder rychys Duw ha'y furneth ha'y wodhvos! Ass yw y vreus dres konvedhes, ha dres hwithra y fordhow!

Romanyon 3:25

neb a worras Duw yn-rag avel tregeredhva dre fydh yn y woes, dhe dhiskwedhes y ewnder, ow kasa heb kessydhyans an peghosow re bia gwrys kyns;

Romanyon 6:1

Pandr'a wren y leverel ytho? Yw dhyn pesya yn pegh rag may palshaho gras?

Romanyon 6:15

Pandra ytho? A wren ni pegha drefenn nag eson yn-dann lagha mes yn-dann ras? Kammenn vyth!

2 Korinthianys 8:2

Yn prov sevurra a alar, leunder aga joy ha'ga boghosogneth dhown a balshas yn rychedh a'ga sempledh hel,

Efesianys 1:18

golowys dewlagas agas kolonn, may hwodhvewgh pyth yw govenek y alow, pyth yw rychys splannder y eretons y'n syns,

Efesianys 1:7

yn neb y'gan beus daspren der y woes, gevyans peghosow, war-lergh rychys y ras

Efesianys 2:4

Mes Duw, rych yn tregeredh, drefenn y gerensa meur ma'gan karas,

Efesianys 2:7

may tiskwettha y'n oesow ow tos, rychys dres eghenn y ras yn kuvder troha ni yn Krist Yesu.

Efesianys 3:16

may rollo dhywgh hwi, war-lergh rychys y splannder, dhe vos krevhes gans galloes der y Spyrys y'n den pervedhel,

Efesianys 3:8

Dhymmo vy, yw le ages an lyha a'n syns oll, y feu res an ras ma dhe bregoth dhe'n Jentilys an rychys a Grist yw dres hwithra,

Filippianys 4:19

Ha'm Duw a lenow oll agas edhomm herwydh y rychys yn splannder yn Krist Yesu.

Kolossianys 1:27

dhe neb Duw a vynnas diskudha pyth yw rychys splannder an mysteri ma yn mysk an Jentilys, yw Krist ynnowgh hwi, govenek an splannder.

Kolossianys 2:2

may fons kennerthys yn aga holonn, ow pos junys war-barth yn kerensa hag y'n rychys oll a'n surheans leun a gonvedhes, rag aswonnvos a'n mysteri a Dhuw, a Grist;

1 Timothi 1:16

Mes rakhenna my a gavas tregeredh, may tiskwettho kyns Yesu Krist pub godhevyans ynnov vy rag ensampel dhe'n re a dheu dhe grysi ynno rag bewnans heb diwedh.

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.

1 Peder 3:20

a veu diwostydh kyns, pan esa hirwodhevyans Duw ow kortos yn dydhyow Noy, ha'n gorhel ow pos pareusys, may feu sawys niver byghan, henn yw eth enev, dre dhowr.

2 Peder 1:11

Rag yndella, y fydh grontys dhywgh hwi yn rych dhe entra dhe wlaskor heb diwedh agan Arloedh ha'gan Selwyas Yesu Krist.

2 Peder 3:15

Ha synsewgh hirwodhevyans agan Arloedh dhe vos selwyans, kepar dell skrifas dhywgh agan broder karadow Powl, war-lergh an furneth a veu res dhodho,

2 Peder 3:3

Godhvydhewgh hemma kyns oll: y'n dydhyow diwettha y hwra dos gesyoryon ow kul ges, ow kerdhes war-lergh aga drokhwansow i,

2 Peder 3:9

Nyns yw syger an Arloedh a-dro dh'y ambos, dell syns nebes tus sygerneth dhe vos, mes yma ganso hirwodhevyans yn agas kever, heb mynnes denvyth dhe vos diswrys, mes pub den dhe dhos dhe edrek.

Diskwedhyans 2:21

Ha spas a res vy dhedhi dhe gemmeres edrek, mes ny vynn hi kemmeres edrek a'y fornikasyon.

Diskwedhyans 3:20

Otta, yth esov ow sevel orth an daras ha knoukya: den mar klew ow lev hag igeri an daras, my a dheu a-ji ganso, ha sopya ganso, hag ev genev vy.