Romanyon 2:15 - An Bibel Kernewek 20234 (Kernewek Kemmyn)

¹⁵ I a dhiskwa bos skrifys war aga holonn an pyth yw erghys gans an lagha, ha'ga howses ynwedh a dheg dustuni ha'ga thybyans a's kuhudh a-bervedh ynna po martesen a's askus

Romanyon 2:15 ပူးပေါင်းရင်းမြစ်များ

Jenesis 20:5

A ny leveris ev y honan dhymm, “Ow hwoer yw hi”? Ha hi hy honan a leveris, “Ow broder yw ev.” Gans kolonn lan ha diwleuv gwiryon y hwrug vy hemma.’

1 Myghternedh 2:44

Ynwedh an myghtern a leveris dhe Shimei, ‘Ty a woer y'th kolonn oll an drog a wrussys dhe Davydh ow thas; ytho an Arloedh a attal dha dhrog war dha benn dha honan.

Job 27:6

My a syns fast ow gwiryonsys ha ny'n gasav nevra; ny wra ow holonn ow heredhi hedre viv yn few.

Ekklesiastes 7:22

Rag ty a woer y'th kolonn, ty dha honan dhe villiga tus erell lieskweyth.

Yowann 8:9

Mes an re a'n klewas omdennas onan hag onan, ow talleth gans an henavogyon, ha nyns o gesys saw ev, ha'n venyn a-ragdho.

Oberow 23:1

Powl, ow mires gluw orth an konsel, a leveris, ‘Breder, bys y'n jydh ma my re vewas gans kowses da a-rag Duw.’

Oberow 24:16

Rakhenna my ow honan a striv prest dhe synsi kowses divlam a-rag Duw ha tus oll.

Romanyon 2:14

An kenedhlow na's teves an lagha, pan wrons dre natur an pyth yw erghys gans an lagha, lagha yns i dhedha aga honan, kyn na's teves an lagha.

Romanyon 2:27

Ytho an den na'n jeves an trodreghyans yn y gorf mes a syns an lagha a'th kuhudh, ty hag a'th eus skrif an lagha ha'n trodreghyans mes a derr an lagha.

Romanyon 9:1

Yth esov ow kewsel an gwirder yn Krist, ny wowlavarav; ow howses a dheg dustuni y'n Spyrys Sans,

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

2 Korinthianys 5:11

Ytho, ha ni ow kodhvos own an Arloedh, ni a berswad tus dhe grysi, hag aswonnys yn ta on ni gans Duw; hag yma govenek dhymm agan bos aswonnys yn agas kowses hwi ynwedh.

1 Timothi 4:2

yn falsuri gowleverysi, leskys aga howses gans horn.

Titus 1:15

Pup-tra yw glan dhe'n re yw glan, mes dhe'n re yw legrys ha diskryjyk, nyns yw travyth glan, mes legrys yw ha'ga brys ha'ga howses.