Romanyon 2:13 - An Bibel Kernewek 20234 (Kernewek Kemmyn)

¹³ Rag nyns yw goslowysi an lagha hag yw justifiys a-rag Duw, mes gwrioryon an lagha hag a vydh prevys ewn.

Romanyon 2:13 ပူးပေါင်းရင်းမြစ်များ

Salmow 143:2

Na dhoro dha was dhe vreus, rag y'th wolok jy ny vydh denvyth bew prevys gwiryon.

Yeremia 11:6

Ena an Arloedh a leveris dhymm, Galw an geryow ma yn sitys Yuda, hag y'n stretow Yerusalem, ow leverel, Klewewgh geryow an kevambos ma, ha'ga gul.

Ezekiel 20:11

My a ros dhedha ow ordenansow, ha diskwedhes dhedha ow breusow, rag den mar kwra aga gwitha, ev a vew ynna.

Luk 18:14

My a lever dhywgh, an den ma a dhehwelis tre justifiys, a-der an den arall; rag peub a omughelha a vydh dres isel, mes neb a omiselha a vydh ughelhes.’

Luk 8:21

Mes ev a worthybis ha leverel dhedha, ‘Ow mamm ha'm breder yw an re a glew ger Duw ha'y wul.’

Yowann 13:17

Mar konvedhowgh an taklow ma, gwynn agas bys mara's gwrewgh.

Oberow 13:39

hag dredho ev pubonan a grys yw akwitys dhiworth pup-tra oll ma na yllewgh bos akwitys dhiworto dre lagha Moyses.

Romanyon 10:5

Rag Moyses a skrif a-dro dhe ewnder an lagha, ‘An den a wra an taklow ma a vew dredha.’

Romanyon 2:25

An trodreghyans yw dhe les yn tiogel mars os gostydh dhe'n lagha; mes mar terrydh an lagha, dha drodreghyans yw gyllys dhe antrodreghyans.

Romanyon 3:20

Rag ny vydh denvyth justifiys der oberow an lagha, a-ban dheu aswonnvos pegh der an lagha.

Romanyon 3:23

rag oll re beghas, hag i a fyll a hedhes dhe wordhyans Duw,

Romanyon 3:30

drefenn Duw dhe vos onan; hag ev a justifi an re a's teves trodreghyans war sel aga fydh ha'n re antrodreghys der aga fydh.

1 Korinthianys 4:4

rag ny wonn travyth er ow fynn ow honan, mes nyns ov vy akwitys dre henna. An Arloedh yw, neb a'm breus.

Galatianys 2:16

ow konvedhes nag yw denvyth ewnhes der oberow a'n lagha mes dre fydh yn Krist Yesu, ha nyni a grysis yn Krist Yesu, may fen ni justifiys dre fydh yn Krist hag a-der der oberow a'n lagha; rag ny vydh kig vytholl justifiys der oberow a'n lagha.

Galatianys 5:4

Hwi yw diberthys dhiworth Krist, hwi neb yw justifiys der an lagha, koedhys dhiworth gras.

Dewteronomi 4:1

Lemmyn, Ysrael, goslow an ordenansow ha'n breusow esov ow tyski dhywgh dhe wul, rag may fewowgh ha dos hag erita an tir usi an Arloedh Duw agas tasow ow ri dhywgh.

Dewteronomi 5:1

Moyses a elwis dhe oll Ysrael ha leverel dhedha: Klew, A Ysrael, an ordenansow ha'n breusow esov ow kewsel yn agas diwskovarn hedhyw, rag ma's dyskowgh, ha'ga gwitha, ha'ga gul.

Dewteronomi 6:3

Klew, Ysrael, ha gwayt aga gul, rag may fo yn ta dhis, ha rag may kressyowgh yn feur, kepar dell gewsis dhis an Arloedh Duw dha dasow, yn tir a dhinwa leth ha mel.

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.

1 Yowann 2:29

Mar kodhowgh y vos ewn, y hwodhowgh pubonan a wra ewnder dhe vos dineythys anodho.

1 Yowann 3:7

Fleghigow, na esewgh denvyth dh'agas toella; neb a wra ewnder yw ewn, par dell yw ev ewn.