Romanyon 2:1 - An Bibel Kernewek 20234 (Kernewek Kemmyn)

¹ Ytho ny'th eus askus, A dhen, piwpynag a vi, ow preusi den arall; rag pan vreusydh den arall y preusydh er dha bynn dha honan rag ty, an breusyas, a wra an keth taklow dha honan.

Romanyon 2:1 ပူးပေါင်းရင်းမြစ်များ

Luk 12:14

Hag ev a worthybis dhodho, ‘A dhen, piw a'm settyas avel breusydh po mayner warnowgh?’

Luk 19:22

Yn-medh ev dhodho, “Dhiworth dha anow dha honan my a'th vreus, ty gethwas drog! Ty a wodhves ow bos den kales, ow kemmeres yn-bann an pyth na wrugavy y worra yn-nans, hag ow mysi an pyth na wrugavy y hasa.

Luk 6:37

‘Na vreusewgh, ha ny vydhowgh breusys; na dhampnyewgh, ha ny vydhowgh dampnys; gevewgh hag y fydh gevys dhywgh.

Romanyon 14:22

An fydh a'th eus, gwith hi ragos dha honan a-rag Duw; gwynnvys neb na omvreus y'n pyth yw da ganso.

Romanyon 2:2

Ni a woer breus Duw dhe goedha yn hwir war an re a wra taklow a'n par na.

Romanyon 2:3

A dybydh, A dhen, y skeusydh a vreus Duw pan vreusydh an re a wra taklow a'n par na ha ty dha honan orth aga gul?

Romanyon 3:9

Pandra ytho? On ni an Yedhewon byth dhe well? Nag on kammenn; rag my re guhudhas bos pub den, keffrys an Yedhewon ha'n Grekys, yn-dann alloes pegh,

Romanyon 9:20

Mes piw os jy, den, dhe worthybi dhe Dhuw? A lever an dra formys dh'y formyer, ‘Prag y'm gwrussys yndella?’

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

1 Korinthianys 7:16

A wreg, fatell wodhesta mar kwredh selwel dha wour? A wour, fatell wodhesta mar kwredh selwel dha wreg?

Jamys 2:20

A vynn'ta godhvos, a dhen koeg, bos euver fydh heb gwriansow?

Jamys 4:11

Na wrewgh kewsel an eyl erbynn y gila, a vreder. Neb a gews erbynn broder po a vreus y vroder a gews erbynn an lagha hag a vreus an lagha; ha mar preusewgh an lagha, nyns osta gwrier an lagha mes breusydh.