Romanyon 16:2 - An Bibel Kernewek 20234 (Kernewek Kemmyn)

² rag ma's degemmerrewgh y'n Arloedh, dell dhelledh dhe'n syns, ha sevel rygdhi yn pypynag a's teffo edhomm anodho, rag hi re beu gwithyades dhe lies ha dhymmo vy ynwedh.

Romanyon 16:2 ပူးပေါင်းရင်းမြစ်များ

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Oberow 9:13

Hag Ananias a worthybis, ‘Arloedh, my re glewas dhiworth lies a-dro dhe'n gour ma, pygemmys drog re wrug ev dhe'th syns yn Yerusalem;

Oberow 9:15

Mes an Arloedh a leveris dhodho, ‘Ty ke, drefenn bos hemma ow mayn dewisys rag doen ow hanow a-dherag an Jentilys ha myghternedh ha mebyon Ysrael;

Oberow 9:36

Lemmyn yn Yoppa yth esa unn dhyskybles henwys Tabitha, henn yw dhe styrya Dorkas; an venyn ma o leun a oberow da hag a rians alusenow.

Oberow 9:39

Ytho Peder a sevis yn-bann ha mos gansa; pan dhothya, i a'n ledyas yn-bann dhe'n stevell wartha, ha'n gwedhwesow oll a sevis rybdho, owth oela hag ow tiskwedhes krysyow ha dillas re wrussa Dorkas ha hi gansa.

Oberow 9:41

Hag ev a ros dhedhi y leuv ha'y drehevel; hag ow kelwel an syns ha'n gwedhwesow, ev a's diskwedhas yn few.

Romanyon 15:7

Kemmerewgh ytho an eyl y gila, par dell re'gas kemmeras Krist rag glori Duw.

Romanyon 16:15

Salusewgh Filologus, Yulia, Nereus ha'y hwoer, hag Olympas hag oll an syns usi gansa.

Romanyon 16:23

Gayus, ost dhymmo vy ha dhe'n eglos oll, a'gas salus. Erastus, alhwedhor an sita, ha'gan broder Kwartus, a'gas salus.

Romanyon 16:6

Salusewgh Maria neb re lavuryas meur ragowgh.

Romanyon 16:9

Salusewgh Urbanus agan kesoberer yn Krist ha Staghys ow haradow.

Efesianys 5:3

Mes fornikasyon ha pub plosedhes po krefni, na vedhens henwys yn agas mysk, kepar dell dhelledh dhe syns.

Filippianys 1:27

Saw bedhes agas bewedh gwiw dhe'n aweyl a Grist, mar tov dh'agas gweles po gortos a-ves, may klewviv ahanowgh, hwi dhe sevel yn unn spyrys gans unn enev, ow strivya war-barth rag fydh an aweyl,

Filippianys 2:29

Rakhenna degemmerewgh ev y'n Arloedh gans lowena oll, ha gwrewgh enora tus a'n par na,

Kolossianys 4:10

Aristarghus, ow hesprisner a'gas dynnergh, ha Mark, kenderow Barnabas: hwi re dhegemmeras arghadowyow a-dro dhodho; mar teu ev dhywgh, salusewgh ev;

1 Timothi 2:10

mes gans gwriansow da, dell yw gwiw rag benynes ow professya revrons dhe Dhuw.

2 Timothi 1:18

Re wrontyo an Arloedh dhodho may kaffo tregeredh dhiworth an Arloedh y'n jydh na. Ty a woer yn ta an gonis a wrug yn Efesus.

Titus 2:3

Y'n keth vaner lavar dhe'n benynes koth mayth omdhokkons dell dhegoedh dhe sansoleth heb sklandra, heb bos kethesow dhe veur a win, mes dyskadoresow a'n pyth yw da,

Filemon 1:12

My re wrug y dhastannvon dhis, – an den ma, neb yw ow holodhyon ow honan.

Filemon 1:17

Rakhenna, mar akontydh ow bos koweth, degemmer e kepar ha dell ve ev my ow honan.

2 Yowann 1:10

Mar teu nebonan dhywgh heb dri an dyskas ma, na'n degemmerewgh yn agas chi na'n salusewgh.