Romanyon 15:3 - An Bibel Kernewek 20234 (Kernewek Kemmyn)

³ Rag ny omblesya Krist; rag dell yw skrifys, ‘Kabel an re a'th kabla a goedhas warnav.’

Romanyon 15:3 ပူးပေါင်းရင်းမြစ်များ

Salmow 69:20

Mewl re dorras ow holonn, ha paynys bras a'm beus. My a hwilas neb a gemmerra truedh ahanav, mes nyns esa; ha konforters, mes ny's kevis.

Salmow 69:9

Rag tan ow holonn a-barth dha ji re'm kollonkas, ha despit an re a'th skorn jy re goedhas warnav vy.

Matthew 10:25

Lowr yw dhe'n dyskybel y vos avel y vester, ha'n kethwas avel y arloedh. Mar kalwsons mester an chi Belzebul, pygemmys moy y vayni ev?

Matthew 26:39

Hag ow mones nebes yn-rag, ev a goedhas war y fas ha pysi ow leverel, ‘Ow Thas, mara kyll henna bos, tremenes an hanaf ma dhiworthiv; mes na vo henna herwydh ow bodh vy saw dha vodh tejy.’

Matthew 26:42

Arta an nessa gweyth ev a omdennas ha pysi, ow leverel, ‘Ow Thas, mar ny yll hemma tremena heb my dh'y eva, dha vodh re bo gwrys.’

Matthew 27:44

Yn kepar maner ynwedh yth esa an ladron neb o krowsys ganso orth y dhespitya.

Yowann 15:10

Mar kwithowgh ow gorhemmynnow, trigewgh y'm kerensa, kepar dell withis vy gorhemmynnow ow Thas ha triga yn y gerensa ev.

Yowann 15:24

Mar ny wrellen vy yn aga mysk an oberow na wrug denvyth arall, ny viens kablus a begh; mes lemmyn i re welas ha'm kasa vy ha'm Tas.

Yowann 4:34

Yn-medh Yesu dhedha, ‘Ow boes vy yw, my dhe wul bolonjedh neb a'm dannvonas ha dhe gowlwul y ober ev.

Yowann 5:30

‘Ny allav vy ow honan gul travyth; kepar dell glewav y hwrav vy breusi, ha'm breus yw ewn, rag ny hwilav ow bolonjedh ow honan, mes bolonjedh ev neb a'm dannvonas.

Yowann 6:38

Rag nyns ov vy devedhys yn-nans dhiworth nev dhe wul ow bolonjedh ow honan, marnas bolonjedh neb a'm dannvonas.

Yowann 8:29

Yma genev vy ev neb a'm dannvonas. Ny'm gasas ow honan, rag pup-prys my a wra an pyth yw plegadow dhodho.’

2 Korinthianys 8:9

Rag hwi a aswonn gras agan Arloedh Yesu Krist, y vos ev gyllys boghosek a-barth dhywgh, kynth o rych, mayth ewgh hwi ha bos rych der y voghosogneth.

Filippianys 2:5

Kemmerewgh yn agas mysk an tybyans ma esa ynwedh yn Krist Yesu;

Filippianys 2:8

ev a omuvelhas ha dos ha bos gostydh bys yn ankow, mernans yn krows.