Romanyon 15:19 - An Bibel Kernewek 20234 (Kernewek Kemmyn)

¹⁹ dre alloes toknys ha marthusyon, dre alloes Spyrys Duw, bys may hyllyn kowlwul pregoth aweyl Yesu Krist dhiworth Yerusalem hag yn kylgh bys yn Illyrikum,

Romanyon 15:19 ပူးပေါင်းရင်းမြစ်များ

Matthew 12:28

Mes mars yw dre Spyrys Duw y towlav vy dywolow yn-mes, ena gwlaskor Duw yw devedhys warnowgh.

Yowann 4:48

Ytho yn-medh Yesu dhodho, ‘Marnas hwi a wel toknys ha marthusyon, ny grysowgh.’

Oberow 1:8

Mes hwi a dhegemmer nerth pan dheu an Spyrys Sans warnowgh, ha dustunioryon vydhowgh dhymm, hag yn Yerusalem hag yn oll Yudi ha Samaria ha bys penn pella an norvys.’

Oberow 13:14

Mes i eth yn-rag dhiworth Perga ha dos dhe Antiogh a Pisidia; ha dydh sabot i eth y'n synaga hag esedha.

Oberow 13:51

Mes i a shakyas an doust dhiworth aga threys er aga fynn, ha dos dhe Ikonium.

Oberow 14:10

a leveris, ughel y lev, ‘Sav yn-bann war dha dreys.’ Hag ev a lammas yn-bann ha kerdhes.

Oberow 14:20

Byttegyns, ha'n dhyskyblon owth omguntell a-dro dhodho, ev a sevis yn-bann hag entra y'n sita. Ha ternos ev eth yn-rag gans Barnabas dhe Derbe.

Oberow 14:25

ha pan gowssens an ger yn Perga i a dheuth yn-nans dhe Attalia

Oberow 14:6

i a glewas anodho ha diank dhe Lystra ha Derbe, sitys a Lykaonia, ha dhe'n pow a-dro,

Oberow 15:12

Oll an routh a dewis, ha klewes Barnabas ha Powl ow terivas pana doknys ha marthusyon a wrug Duw yn mysk an Jentilys dredha.

Oberow 16:18

Hi a wre hemma lies dydh. Mes Powl eth ha bos anniys meur, hag ow treylya ev a leveris dhe'n spyrys, ‘My a'th ergh yn hanow Yesu Krist dos yn-mes anedhi.’ Hag ev a dheuth yn-mes y'n keth eur na.

Oberow 17:10

Hag a-dhistowgh, yn termyn nos, an vreder a dhannvonas yn-rag ha Powl ha Silas dhe Berea. Pan dheuthons di, i eth yn synaga an Yedhewon;

Oberow 17:15

Ha'n re esa ow ledya Powl a'n dros bys yn Athenys, ha wosa degemmeres arghadow dhe Silas ha Timothi may teffens dhodho skonna gyllens, i eth dhe-ves.

Oberow 18:1

Wosa an taklow ma ev a asas Athenys ha dos dhe Korinth.

Oberow 18:19

I a dheuth bys yn Efesus hag ev a's gasas ena, mes ev eth yn synaga ha dadhla gans an Yedhewon.

Oberow 19:1

Lemmyn dell hwarva, hag Apollos yn Korinth, Powl a dremenas der an ranndiryow ughella ha dos dhe Efesus, may kavas dyskyblon,

Oberow 20:20

ha my heb hokya ow terivas pup-tra o dhe les dhywgh, hag orth agas dyski a-rag tus hag y'n chiow,

Oberow 20:6

ha ni a woelyas dhiworth Filippi wosa dydhyow an bara heb goell, ha kyns penn pymp dydh ni a dheuth dhedha yn Troas, may hwortsyn seyth dydh.

Romanyon 15:13

Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

Romanyon 15:16

rag may fiv vy menyster Yesu Krist dhe'n kenedhlow, avel oferyas dhe aweyl Yesu Krist rag may fo offrynn an kenedhlow kemmeradow, sanshes gans an Spyrys.

Romanyon 15:24

pan wrylliv vyajya dhe Spayn. Rag govenek a'm beus, pan dremenav dresowgh, a'gas gweles ha genowgh dhe vos dannvenys war ow fordh, wosa my dhe vos lenwys ahanowgh yn rann.

1 Korinthianys 2:4

hag ow hows ha'm negys ny veu res dre dennvos geryow a skentoleth, mes yn diskwedhyans a'n Spyrys hag a nerth,

2 Korinthianys 12:12

Yn hwir, toknys abostol a veu oberys yn agas mysk gans perthyans meur, dre doknys ha dre varthusyon ha der oberow galloesek.

Galatianys 3:5

Ev neb a dharbar ytho an Spyrys dhywgh hag oberi gans galloes ynnowgh, a wra ev y wul der oberow an lagha po dre fydhya y'n pyth a glewsowgh?

Kolossianys 1:25

My eth ha bos menyster anedhi war-lergh charj Duw res dhymmo ragowgh hwi, dhe gollenwel ger Duw,

1 Thessalonianys 1:5

rag ny dheuth agan aweyl dhywgh hwi yn lavar yn unnsel, mes ynwedh yn nerth hag y'n Spyrys Sans, ha gans meur a surheans, dell wodhowgh py par tus en ni yn agas mysk, rag agas les.

2 Timothi 4:17

Mes an Arloedh a sevis rybov ha ri nerth dhymmo, may fe an pregoth kowlwrys dredhov ha ma'n klewva oll an Jentilys. Ha sawys veuv yn-mes a anow an lew.

Ebrowyon 2:4

ha Duw a dhustunias ynwedh der toknys ha dre varthusyon ha dre wriansow nerthek a bub eghenn ha dre rohow an Spyrys Sans rynnys herwydh y vodh y honan.

1 Peder 1:12

Diskwedhys veu dhedha nag esons i ow konis aga honan, mes yth esons orth agas gonis hwi y'n taklow re beu derivys dhywgh gans an re a bregowthas an nowodhow da dhywgh der an Spyrys Sans, dannvenys dhiworth nev, taklow ha hwans yma dhe eledh mires warnedha.