Romanyon 15:14 - An Bibel Kernewek 20234 (Kernewek Kemmyn)

¹⁴ Ha surhes ov ow honan, ow breder, yn agas kever, hwi ynwedh dhe vos leun a dhader, lenwys a bub godhvos, had abel dhe ri kusul an eyl dh'y gila.

Romanyon 15:14 ပူးပေါင်းရင်းမြစ်များ

1 Korinthianys 1:5

rag yn pub fordh hwi re beu gwrys kevoethek ynno ev, yn kows ha skentoleth a bub eghenn –

1 Korinthianys 12:8

Rag dhe onan yw res der an Spyrys lavar a skentoleth, dhe onan arall lavar a wodhvos herwydh an keth Spyrys,

1 Korinthianys 13:2

Ha mar pe dhymm galloes dhe brofoesa, ha mar konvetthen pub kevrin ha pub oll godhvos, ha mar pe dhymm fydh gowal may hallen tenna dhe-ves menydhyow, ha my heb kerensa, ny vien travyth.

1 Korinthianys 8:1

Lemmyn a-dro dhe offrynnow dhe idolys, dell wodhon, ‘ni oll a'gan beus godhvos.’ Godhvos a dheg hwythfians, mes kerensa a dhrehav.

1 Korinthianys 8:10

Rag nebonan mara'th wel, ty dhen a wodhvos, owth esedha orth moes yn tempel idol, a ny vydh ev dynys, gwann y gowses, dhe dhybri offrynnow dhe idolys?

1 Korinthianys 8:7

Byttegyns, nyns yw peub a'n jeves an godhvos ma, mes re, drefenn aga howethyans kyns-lemmyn gans idolys, a dheber an boes avel boes offrynnys dhe idol, ha'ga howses, ow pos gwann, defolys yw.

2 Korinthianys 8:7

Mes, yn pup-tra dell balshowgh, yn fydh hag yn kows hag yn godhvos hag yn pub diwysygneth hag yn agas kerensa dhyn ni, gwaytyewgh may palshahowgh y'n gras ma ynwedh.

Efesianys 5:9

(rag yma frut an golow yn oll dader hag ewnder ha gwirder),

Filippianys 1:11

lenwys a frut ewnder dre Yesu Krist dhe wordhyans ha gormola Duw.

Filippianys 1:7

dell yw gwiw ragov dhe brederi ahanowgh hwi oll, rag ottahwi genev y'n golonn; rag hwi oll yw kevrennoryon genev a ras, hag y'm kolmow hag yn mentons ha kompoesans a'n aweyl.

Kolossianys 3:16

Triges ger Krist ynnowgh yn rych, ow tyski ha keski an eyl y gila yn pub furneth, ow kana salmow, hymnys ha kanow spyrysel gans gras yn agas kolonn dhe Dhuw.

1 Thessalonianys 5:11

Rakhenna, kennerthewgh an eyl y gila, ha drehevel an eyl y gila, dell wrewgh yn hwir.

1 Thessalonianys 5:14

Ha ni a'gas pys, a vreder, a geski an re yw diek, a hebaskhe an re yw digolonnek, a skoedhya an re yw gwann, hir agas godhevyans troha pub den oll.

2 Thessalonianys 1:11

Rakhenna ynwedh ni a bys ragowgh pup-prys, may hwrello agan Duw agas gul gwiw dhe'n galow, hag yn nerth kollenwel pub hwans a dhader hag ober fydh,

2 Timothi 1:5

ow perthi kov a'th fydh heb toell na gil a re beu kyns y'th vamm-wynn Lois hag y'th vamm Ewnike hag a drig ynnos jy, sur ov vy.

Filemon 1:21

Rag ow bos sur ty dhe vos gostydh, my re skrifas dhis ow kodhvos y hwredh moy es dell lavarav.

Ebrowyon 5:12

Rag kyn talvia dhywgh bos dyskadoryon erbynn an termyn ma, edhomm a'gas beus nebonan dhe dhyski dhywgh an kynsa elvennow a lavarow Duw. Edhomm a'gas beus a leth, yn le boes kales;

Ebrowyon 6:9

Kyn kewsyn yndellma, yn agas kas hwi, karadowyon, surhes on a daklow gwell a dheu gans selwyans.

2 Peder 1:12

Rakhenna, my a vynn pup-prys dri an taklow ma dh'agas kov, kyn hwrewgh aga godhvos, ha synsowgh yn krev an gwir usi genowgh.

1 Yowann 2:21

Ny skrifis dhywgh drefenn na wodhowgh an gwirder, mes drefenn hwi dh'y wodhvos, ha godhvos nag eus gow a-dhiworth an gwir.