Romanyon 15:13 - An Bibel Kernewek 20234 (Kernewek Kemmyn)

¹³ Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

Romanyon 15:13 ပူးပေါင်းရင်းမြစ်များ

Ysay 55:12

Rag yth ewgh yn-mes yn lowender, ha bos hembrenkys yn kres; an menydhyow ha'n breow a arm a-ragowgh gans joy, hag oll gwydh an gwel a dak diwleuv.

Yeremia 14:8

A wovenek Ysrael, y selwador yn termyn ahwer, prag y tal dhis bos avel alyon y'n tir, hag avel tremenyas a dreyl a-denewen dhe spena an nos?

Yoel 3:16

An Arloedh a vedhygel dhiworth Sion, ha dhiworth Yerusalem ev a ri y lev; ha'n nevow ha'n norvys a gren, mes an Arloedh yw skovva rag y bobel ha kastell rag mebyon Ysrael.

Yowann 14:1

‘Na vedhes troblys agas kolonn; hwi a grys yn Duw, krysewgh ynwedh ynnov vy.

Yowann 14:27

Kres a asav dhywgh, ow kres a rov dhywgh; ny rov dhywgh kepar dell re an bys. Na vedhes dha golonn troblys, ha na berthes own.

Romanyon 12:12

yn govenek ow lowenhe, yn galar ow tiskwedhes perthyans, ow pesya yn tiwysyk yn pysadow,

Romanyon 14:17

Rag nyns yw gwlaskor Duw dybri nag eva mes ewnder ha kres ha lowender y'n Spyrys Sans;

Romanyon 15:19

dre alloes toknys ha marthusyon, dre alloes Spyrys Duw, bys may hyllyn kowlwul pregoth aweyl Yesu Krist dhiworth Yerusalem hag yn kylgh bys yn Illyrikum,

Romanyon 15:5

Re rollo dhywgh an Duw a berthyans hag a gonfort may fewewgh yntredhowgh y'n keth kessenyans herwydh Krist Yesu,

1 Korinthianys 2:4

hag ow hows ha'm negys ny veu res dre dennvos geryow a skentoleth, mes yn diskwedhyans a'n Spyrys hag a nerth,

2 Korinthianys 9:8

Ha Duw a yll gul dhe ras oll palshe dhywgh, ha rakhenna, prest ow kavoes pup-tra lowr, hwi a balsha yn pub ober da.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Efesianys 1:2

Gras dhywgh hwi ha kres dhiworth Duw agan Tas ha'n Arloedh Yesu Krist.

1 Thessalonianys 1:5

rag ny dheuth agan aweyl dhywgh hwi yn lavar yn unnsel, mes ynwedh yn nerth hag y'n Spyrys Sans, ha gans meur a surheans, dell wodhowgh py par tus en ni yn agas mysk, rag agas les.

1 Timothi 1:1

Powl, abostol Krist Yesu war-lergh arghadow Duw agan Selwador, ha Krist Yesu agan govenek,

Ebrowyon 6:11

Mes hwans a'gan beus hwi dhe dhiskwedhes, pub huni, an keth mall dhe dhrehedhes dhe leun surneth a wovenek bys y'n diwedh

1 Peder 1:8

neb a gerowgh heb y weles, ha heb y weles hwath mes ow krysi ynno, hwi a lowenha ynno gans joy dres lavar ha gloryus,

1 Samuel 1:18

Ha hi a leveris, ‘Gwres dha vaghteth kavoes gras y'th wolok.’ Ena an venyn eth war hy fordh ha dybri, ha nyns o hy fas trist na fella.