Romanyon 14:6 - An Bibel Kernewek 20234 (Kernewek Kemmyn)

⁶ Neb a syns dy'goel, dhe'n Arloedh y'n syns, ha neb a dheber, dhe'n Arloedh y teber rag yth aswonn gras dhe'n Arloedh; ha neb na dheber, ny dheber ev dhe'n Arloedh hag ev a aswonn gras dhe Dhuw.

Romanyon 14:6 ပူးပေါင်းရင်းမြစ်များ

Eksodus 12:14

An jydh ma a vydh dydh kovadh dhywgh, ha hwi a wra y witha avel goel dhe'n Arloedh; der agas henedhow hwi a wra y witha avel ordenans bys vykken.

Eksodus 12:42

Nos a woel o dhe'n Arloedh, dh'aga dri yn-mes a bow Ejyp; ytho an keth nos ma yw nos woelya gwithys dhe'n Arloedh gans mebyon Ysrael oll, dres aga henedhow.

Eksodus 16:25

Moyses a leveris, ‘Dybrewgh ev hedhyw, rag hedhyw yw sabot dhe'n Arloedh; hedhyw ny'n kevowgh y'n gwel.

Ysay 58:5

Yw yndella an penys a dhewisav, dydh rag den dhe omuvelhe? Yw rag plegya y benn yn-nans avel korsenn, ha lesa avel gweli yskar ha lusu? Yw hemma an pyth a gelwydh penys, ha dydh kemmeradow dhe'n Arloedh?

Zekaria 14:21

Pub pott yn Yerusalem hag yn Yuda a vydh ‘Sansoleth dhe Arloedh an luyow’, ha pubonan a dheu dhe sakrifia a gemmer nebes anedha, ha bryjyon ynna; ha ny vydh Kananek namoy y'n chi Arloedh an luyow.

Matthew 14:19

Ena yth erghis dhe'n routhow esedha war an glaswels ha wosa ev dhe gemmeres an pymp torth ha'n dhew bysk ha mires yn-bann dhe nev, ev a vennigas ha terri, ha ri an torthow dhe'n dhyskyblon, ha'n dhyskyblon a's ros dhe'n routhow.

Matthew 15:36

ha wosa ev dhe gemmeres an seyth torth ha'n puskes, ev a ros gras ha'ga therri, ha'ga ri dhe'n dhyskyblon, ha'n dhyskyblon dhe'n routhow.

Yowann 6:28

Ytho yn-medhons dhodho, ‘Pandr'a wren rag kowlwul oberow Duw?’

Galatianys 4:10

Dy'goelyow a solempnyowgh hwi dour, ha misyow ha termynyow ha blydhynyow.