Romanyon 14:3 - An Bibel Kernewek 20234 (Kernewek Kemmyn)

³ na wres neb a dheber skornya ev neb na dheber, ha na wres neb na dheber breusi ev neb a dheber, rag Duw re'n degemmeras.

Romanyon 14:3 ပူးပေါင်းရင်းမြစ်များ

Zekaria 4:10

Piw a fi an jydh a bythow byghan? I a wra lowenhe pan welons an plemmik yn leuv Zerubbabel. ‘An seyth ma yw lagasow an Arloedh a wander hys-ha-hys a-dro dhe'n nor.’

Matthew 18:10

‘Gwaytyewgh na wryllowgh dispresya onan a'n re vyghan ma; rag yn-medhav dhywgh bos aga eledh y'n nevow pup-prys ow mires war fas ow Thas eus y'n nevow.

Matthew 9:14

Ena y teuth dhodho dyskyblon Yowann ha leverel, ‘Prag yth eson ni ha'n Fariseow menowgh ow kul penys owth hepkorr dybri, mes dha dhyskyblon jy ny'n gwra?’

Luk 18:9

Hag ev a gewsis an barabolenn ma dhe dus neb a drestya ynna i aga honan, i dhe vos gwiryon, ha dispresya tus erell:

Oberow 10:34

Ha Peder a igoras y anow ha leverel, ‘Yn hwir, my a gonvedh na syns Duw denvyth a-ugh y gila,

Oberow 10:44

Ha Peder hwath ow kewsel an geryow ma, an Spyrys Sans a goedhas war bub huni esa ow koslowes orth an areth.

Oberow 28:2

Ha'n deythyogyon a dhiskwedhas dhyn kuvder dres eghenn; rag i a wrug tansys ha'gan wolkomma ni oll drefenn an glaw dhe dhalleth koedha ha yeyn o.

Romanyon 11:15

Rag mars yw aga thewlel dhe-ves unnverheans an bys, pyth yw aga degemmeres marnas bewnans a vernans?

Romanyon 14:1

Ha neb yw gwann y'n fydh, degemmerewgh e heb dadhla a-dro dhe dybyansow.

Romanyon 14:10

Prag y freusydh dha vroder, po prag y skornydh dha vroder? Rag ni oll a wra sevel a-rag barr Duw.

Romanyon 14:13

Ytho na vreusyn an eyl ahanan y gila mes breusyn yn kynsa na worryn men trebuchya po maglenn yn fordh an broder.

Romanyon 14:15

Mes mara'n jevydh dha vroder offens der an pyth a dhybrydh, ny gerdhydh na fella yn kerensa. Na as dha voes dhe dhistrui nebonan may ferwis Krist a'y wovis.

Romanyon 14:21

Ewn yw bos heb dybri kig po eva gwin po bos heb gul travyth hag a wra may trebucchyo dha vroder.

Romanyon 15:7

Kemmerewgh ytho an eyl y gila, par dell re'gas kemmeras Krist rag glori Duw.