Romanyon 14:19 - An Bibel Kernewek 20234 (Kernewek Kemmyn)

¹⁹ Holyn ytho taklow a gres ha'n taklow may trehav dredha an eyl y gila.

Romanyon 14:19 ပူးပေါင်းရင်းမြစ်များ

Salmow 133:1

Otta, ass yw da ha hweg breder dhe driga war-barth yn unnsys!

Salmow 34:14

Treyl dhiworth drog, ha gwra da; hwila kres, ha'y helghya.

Matthew 5:9

‘Gwynn aga bys gwrioryon kres, rag i a vydh gelwys fleghes Duw.

Mark 9:50

Hoelan yw da; mes mar teu an hoelan ha bos heb blas, gans pandra y fydh ev sawrys? Bedhes genowgh hoelan ynnowgh agas honan, ha bedhes genowgh kres, an eyl gans y gila.’

Romanyon 12:18

Mar kyllir, myns may hyllowgh, ow hwilas kres gans tus oll.

Romanyon 15:2

Plegyn ni, peub ahanan, dh'y gentrevek rag da, rag y dhrehevel.

1 Korinthianys 10:23

‘Lafyl yw pup-tra’, mes nyns yw pup-tra dhe les; ‘lafyl yw pup-tra’, mes ny wra pup-tra drehevel.

1 Korinthianys 10:33

par dell blegyav evy dhe dus oll yn pup-tra a wrav, heb hwilas ow les ow honan, mes an les a lies, may fons selwys.

1 Korinthianys 14:26

Ytho, pandr'a wrewgh hwi, ow breder? Pan omguntellowgh, pub huni a'n jeves hymna, po dyskans, po diskwedhyans, po taves, po styryans. Pup-tra bedhes gwrys rag drehevyans.

1 Korinthianys 14:3

mes neb eus ow profoesa a gews orth tus rag aga drehevyans, aga hennerth ha'ga honfort.

1 Korinthianys 14:4

Neb usi ow kewsel yn taves a dhrehav y honan; mes neb usi ow profoesa a dhrehav an eglos.

1 Korinthianys 14:5

My a vynn orthowgh hwi oll kewsel yn tavosow, mes moy es henna, profoesa; neb a brofoes yw brassa ages neb a gews yn tavosow, marnas nebonan a styr, may fo an eglos drehevys.

1 Korinthianys 7:15

Mes mar omdhiberth an diskryjyk, bedhes diberthys; yn kas a'n par na nyns yw kelmys na'n broder na'n hwoer. Rag yn kres Duw re'gas gelwis.

1 Korinthianys 8:1

Lemmyn a-dro dhe offrynnow dhe idolys, dell wodhon, ‘ni oll a'gan beus godhvos.’ Godhvos a dheg hwythfians, mes kerensa a dhrehav.

2 Korinthianys 12:19

Seulabrys y tybowgh ni dhe omaskusya dhywgh. A-rag Duw ni a gews yn Krist; mes pup-tra, karadowyon, yw a-barth agas drehevyans.

2 Korinthianys 13:11

Gordhiwedh, breder, lowenhewgh; gwrewgh agas honan perfydh, kennerthewgh an eyl y gila, bedhewgh unnverhes, bedhewgh yn kres; ha'n Duw a gerensa hag a gres a vydh genowgh.

Efesianys 4:12

rag darbari an syns dhe hwel menystrans, dhe dhrehevyans korf Krist,

Efesianys 4:29

Na dhes drog-ger vyth yn-mes a'gas ganow, saw pypynag a vo da rag an drehevyans yw res, may rollo gras dhe neb a'n klewvo.

1 Timothi 1:4

ha na wrellons vri a hwedhlow hag aghskrifow heb worfenn, ow skila disput moy es dyskans duwel, yw dre fydh.

2 Timothi 2:22

Gwra goheles ytho an drokhwansow a yowynkneth, mes siw ewnder, fydh, kerensa, kres gans an re a elow war an Arloedh yn-mes a golonn lan.

Ebrowyon 12:14

Hwilewgh kres gans an dus oll ha'n sansoleth, ma na wra denvyth gweles an Arloedh hebdhi.

1 Peder 3:11

Treylyes ev dhiworth drog ha gul dader, hwiles ev kres ha'y siwya;