Romanyon 14:10 - An Bibel Kernewek 20234 (Kernewek Kemmyn)

¹⁰ Prag y freusydh dha vroder, po prag y skornydh dha vroder? Rag ni oll a wra sevel a-rag barr Duw.

Romanyon 14:10 ပူးပေါင်းရင်းမြစ်များ

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Ekklesiastes 12:14

Rag Duw a dhre pub gwrians dhe vreus, hwath pup-tra yw kelys, po da po drog.

Matthew 7:1

‘Na wrewgh breusi ma na vewgh hwi breusys;

Luk 18:9

Hag ev a gewsis an barabolenn ma dhe dus neb a drestya ynna i aga honan, i dhe vos gwiryon, ha dispresya tus erell:

Luk 23:11

Ha Herod, gans y soudoryon a'n despityas ha'y skornya, ha wosa y gwetha yn dillas splann ev a'n dannvonas arta dhe Pilat.

Yowann 5:22

Rag ny vreus an Tas denvyth, mes ev re ros breus oll dhe'n Mab,

Oberow 10:42

hag ev a erghis dhyn pregoth dhe'n bobel ha doen dustuni ev dhe vos neb re beu ordenys gans Duw avel breusyas a'n re vew ha'n re varow.

Oberow 17:31

drefenn ev dhe settya dydh may hwra breusi an bys yn ewnder, dre wour neb re apoyntyas, ow profya mewgh dhe oll, orth y dhrehevel dhiworth an re varow.’

Oberow 4:11

Hemm yw “an men a veu skonys genowgh hwi, an weythoryon, re dheuth ha bos pennmen an korn.”

Romanyon 2:16

y'n jydh may freus Duw, war-lergh ow aweyl, kevrinyow tus dre Yesu Krist.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

2 Korinthianys 5:10

Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.