Romanyon 12:20 - An Bibel Kernewek 20234 (Kernewek Kemmyn)

²⁰ Mes pella, ‘Mars eus nown dhe'th eskar, mag e; mars eus syghes dhodho, ro diwes dhodho; rag ow kul hemma ty a worr bern a golennow bew war y benn.’

Romanyon 12:20 ပူးပေါင်းရင်းမြစ်များ

Jenesis 42:25

Ena Yosep a ros gorhemmynna dhe lenwel aga seghyer a ys, ha daskorr mona pub huni arta yn y sagh, ha ri dhedha boes rag an vyaj. Hag ev a wrug henna ragdha.

2 Myghternedh 6:22

Hag ev a worthybis, ‘Na wredh. A vynnydh ladha an re a gemmersys prisners dre dha gledha ha dha warak? Sett bara ha dowr a-ragdha may hallons dybri hag eva, ha mos dh'aga mester.’

Salmow 120:4

Sethow lymm an breselyas, gans kolennow bew a'n banadhel.

Salmow 140:10

Koedhes warnedha kolennow bew leskys; bedhens i tewlys yn pollow leysek ma na yskynnons arta.

Matthew 5:44

Mes my a lever dhywgh, Kerewgh agas eskerens ha pysewgh rag an re a wra agas helghya,

Luk 6:27

‘Mes my a lever dhy'hwi neb a glew, kerewgh agas eskerens, gwrewgh da dhe'n re a'gas kas,

Romanyon 12:21

Na vedhewgh fethys gans an drog, mes fethewgh an drog gans an da.

1 Samuel 26:21

Ena Sowl a leveris, ‘My re beghas; dehwel, ow mab Davydh, rag ny wrav drog dhis arta, drefenn bos ow bewnans drudh y'th wolok y'n jydh hedhyw. Otta, my re beu foll, ha my re erryas dres eghenn.’