Romanyon 12:2 - An Bibel Kernewek 20234 (Kernewek Kemmyn)

² ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

Romanyon 12:2 ပူးပေါင်းရင်းမြစ်များ

Ezra 10:11

Lemmyn ytho rewgh grasyans dhe'n Arloedh, Duw agas tasow, ha gwrewgh y vodh: omdhiberthewgh a-dhiworth poblow an pow, hag a-dhiworth an gwragedh estren.’

Salmow 119:103

Ass yw hweg dha lavarow dhe'm stevnik, hwekka es mel dhe'm ganow!

Salmow 119:128

Rakhenna my a gerdh yn ewn herwydh oll dha arghadowyow; my a gas pub hyns gowek.

Salmow 119:174

My re yeunis war-lergh dha selwyans, A Arloedh, ha'th lagha yw ow lowena.

Salmow 119:72

Gwell genev yw lagha dha anow ages milyow a owr hag a arghans.

Salmow 119:97

Assa wrav vy kara dha lagha; oll an jydh my a breder anodho!

Salmow 34:8

Gwrewgh tastya ha gweles an Arloedh dhe vos da; gwynnvys an den a hwila skovva ynno ev.

Salmow 51:10

Gwra kolonn lan ragov, A Dhuw, ha daswra ynnov vy spyrys len.

Eksodus 23:2

Ny wredh holya lu dhe wul drokoleth; na ny wredh dustuni yn ken, ow treylya a-denewen war-lergh lu, rag kammdreylya gwirvreus;

Ezekiel 18:31

Tewlewgh a-dhiwarnowgh oll agas kammweythresow re wrussowgh ha gwrewgh ragowgh agas honan kolonn nowydh ha spyrys nowydh. Prag y ferwowgh, a ji Ysrael?

Ezekiel 36:26

My a re dhywgh kolonn nowydh, ha gorra spyrys nowydh ynnowgh, ha kemmeres an golonn a ven dhiworth agas kig, ha ri dhywgh kolonn a gig.

Matthew 13:22

Ha'n dra hesys yn mysk spern, ev yw neb a glew an ger, mes fienasow an bys ha dynyans rychys a dag an ger hag ev ny dheg frut.

Mark 4:19

ha fienasow an bys ma, ha dynyans rychys, ha hwans a daklow erell ow tos a-ji, a dag an ger, ha ny dheg frut.

Yowann 14:30

Ny wrav vy kewsel meur genowgh na fella, rag pryns an bys a dheu; ha ny'n jeves galloes warnav.

Yowann 15:19

Mar pewgh a'n bys, an bys a garsa y dus y honan; mes rag nyns owgh a'n bys, mes my re'gas dewisas dhiworth an bys, rakhenna an bys a'gas kas.

Yowann 17:14

My a ros dhedha dha er, ha'n bys a's kasas, rag nyns esons i a'n bys, kepar dell nag esov vy a'n bys.

Yowann 7:7

Ny yll an bys agas kasa, mes ev a'm kas, rag my a dheg dustuni anodho, y wriansow dhe vos drog.

Romanyon 12:1

My a'gas pys, a vreder, dre druedhow Duw, may proffyowgh agas korf avel sakrifis bew, sans, plegadow dhe Dhuw, hag yth yw agas gwir wonis spyrysel;

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

Romanyon 7:12

Rag an lagha yw sans, ha'n gorhemmynn yw ha sans ha teg ha da.

Romanyon 7:14

Rag ni a woer an lagha dhe vos a'n spyrys; mes a'n kig ov, gwerthys yn keth dhe begh.

Romanyon 7:22

Rag y lowenhav yn lagha Duw y'm kowses usi ynnov ow honan,

1 Korinthianys 3:19

Rag skentoleth an bys ma yw follneth gans Duw. Rag skrifys yw, ‘Ev a vagel an dus skentel yn aga felder’,

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

2 Korinthianys 5:17

Ytho, mars eus nebonan yn Krist, kreasyon nowydh yw; tremenys dhe-ves yw an traow koth: otta, deuvons ha bos nowydh.

Galatianys 1:4

a omros y honan rag agan peghosow rag ma'gan deliffra mes a'n bys, drog dell yw y'n eur ma, herwydh bodh agan Duw ha Tas,

Efesianys 1:18

golowys dewlagas agas kolonn, may hwodhvewgh pyth yw govenek y alow, pyth yw rychys splannder y eretons y'n syns,

Efesianys 2:2

may kerdhsowgh ynna war-lergh gis an bys ma, war-lergh penntern galloes an ayr, an spyrys a ober lemmyn yn mebyon diwostytter;

Efesianys 5:17

Rakhenna, na vedhewgh gokki, mes konvedhewgh pyth yw bolonjedh an Arloedh.

Kolossianys 1:9

Rakhenna ni ynwedh, dhiworth an jydh may klewsyn, ny hedhyn pysi ha govynn ragowgh, may fewgh lenwys a wodhvos a'y vodh yn pub furneth ha konvedhes spyrysel,

Kolossianys 3:10

ha wosa gwiska an den nowydh, daswrys yn godhvos war-lergh an imaj a neb a'n gwrug.

Kolossianys 4:12

Epafras a'gas dynnergh, onan ahanowgh, kethwas Krist Yesu, ow strivya pup-prys ragowgh yn y bysadow, may seffowgh perfydh ha surhes yn tien y'n bolonjedh oll a Dhuw.

1 Thessalonianys 4:3

Rag hemm yw bodh Duw, agas sansheans, hwi dhe omwitha rag fornikasyon,

Titus 3:5

ny'gan selwis ev dre wriansow a wrussyn ni yn ewnder, mes war-lergh y dregeredh ev dre wolghi daskenesigeth ha nowydhheans an Spyrys Sans

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.

1 Peder 1:14

Kepar ha fleghes wostydh, na wrewgh war-lergh hwansow an termyn a'gas fowt a skians,

1 Peder 1:18

Hwi a woer na vewgh dasprenys gans taklow a yll pedri, arghans nag owr, dhiworth agas bewedh euver a veu eritys dhiworth agas tasow,

1 Peder 2:3

mar kwrussowgh tastya bos an Arloedh kuv.

1 Peder 4:2

ytho ny vew namoy yn hwansow mab-den dres an termyn yw gesys y'n kig, mes orth bodh Duw.

2 Peder 1:4

Dredha ev re ros dhyn ambosow drudh ha pur vras, may hyllowgh dredha kevrenna yn natur Duw, wosa diank dhiworth an plosedhes usi y'n bys dre dhrog hwansow.

2 Peder 2:20

Rag wosa diank mostedhes an bys der aswonnvos an Arloedh ha Selwyas Yesu Krist, mars yns i maglennys arta ynna ha fethys, gweth gallas an studh diwettha anedha es an kynsa.

1 Yowann 3:13

Na vedhewgh sowdhenys, A vreder, mara'gas kas an bys.

1 Yowann 5:19

Ni a woer ni dhe vos a Dhuw, ha bos oll an bys yn nerth an tebel el.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 13:8

Hag oll trigoryon an norvys a wra y wordhya, nag yw skrifys aga henwyn yn lyver bewnans an Oen a veu ledhys, a-ban veu an norvys dallethys.