Romanyon 12:15 - An Bibel Kernewek 20234 (Kernewek Kemmyn)

¹⁵ Lowenhewgh gans an re a lowenha, oelewgh gans an re a oel;

Romanyon 12:15 ပူးပေါင်းရင်းမြစ်များ

Nehemia 1:4

Pan glewis vy an geryow ma, my a esedhas hag oela, ha kyni dres lies dydh, ha penys ha pysi a-rag Duw nev.

Job 2:11

Pan glewas tri howeth Job a-dro dhe'n drogedh oll ma re dhothya warnodho, i a dheuth pub huni dhiworth y dyller y honan, Elifaz an Temanyas, Bildad an Shuhyas ha Sofar an Naamathyas. I a settyas prys war-barth rag dos dhe geskalari ganso ha rag y gonfortya.

Job 30:25

A ny oelis a-barth an den anfeusik? A ny veu ow enev trist rag an boghosek?

Ekklesiastes 3:4

Prys dagrewi ha prys hwerthin; prys kyni ha prys donsya.

Yeremia 38:12

Hag Ebed-melek an Ethiopek a leveris dhe Yeremia, ‘Gorr lemmyn an kloutys ha'n dillasow usys yn-dann dha dhiwgasel, yn-dann an lovonow.’ Ha Yeremia a wrug yndella.

Yeremia 9:1

Unnweyth a pe ow fenn dowrow, ha'm dewlagas fenten a dhagrow, mayth oellen dydh ha nos rag an re ledhys a vyrgh ow fobel!

Luk 1:58

Ha'y hentrevogyon ha'y neskerens a glewas an Arloedh dhe dhiskwedhes tregeredh veur dhedhi, hag i a lowenhi gensi.

Yowann 11:19

Ha lies a'n Yedhewon a dheuth dhe Martha ha dhe Varia dh'aga honfortya a-dro dh'aga broder.

Oberow 11:23

Pan dheuth ha gweles gras Duw ev a lowenhas, hag ev a ynnias war bubonan anedha bos lel dhe'n Arloedh, furv aga holonn,

1 Korinthianys 12:26

Mar kodhev unn esel, an eseli oll a wodhev ganso; mars yw enorys unn esel, an eseli oll a lowenha war-barth.

2 Korinthianys 11:29

Piw yw gwann, ha nyns ov evy gwann? Piw yw gwrys dhe drebuchya, ha ny dhewav vy?

2 Korinthianys 2:3

My a skrifas poran kepar dell wrug, ma na'm be keudh, pan dheffen vy, dhiworth an re may tegoedh dhedha ow heudhhe, rag yma fydhyans dhymm ynnowgh, ow joy dhe vos agas joy hwi oll.

Filippianys 2:26

a-ban yeuni ev war agas lergh pubonan, ha troblys veu rag hwi dhe glewes y vos klav.

Filippianys 2:28

Ytho, dhe frettha my re'n dannvonas, may lowenhahowgh orth y weles arta, ha may fiv vy dhe le troblys.

Ebrowyon 13:3

Perthewgh kov a'n brisnoryon par dell vewgh prisonys war-barth gansa; ha'n re yw kammdhyghtys, a-ban esowgh hwi ynwedh y'n korf.