Romanyon 12:10 - An Bibel Kernewek 20234 (Kernewek Kemmyn)

¹⁰ ow kara an eyl y gila, yn keskerensa, ow kesstrivya an eyl gans y gila ow tiskwedhes enor;

Romanyon 12:10 ပူးပေါင်းရင်းမြစ်များ

Jenesis 13:9

A nyns usi oll an tir a-dheragos? Diberth dhiworthiv, dell yth pysav. Mar mynnydh kemmeres an barth kledh, my a gemmer an barth dhyghow, ha mar kemmerydh an barth dhyghow my a gemmer an barth kledh.’

Job 1:4

Y vebyon e ha synsi kevewi yn chi pub huni anedha yn y jydh, hag i a dhannvona ha gelwel aga theyr hwoer dhe dhybri ha dhe eva gansa.

Salmow 133:1

Otta, ass yw da ha hweg breder dhe driga war-barth yn unnsys!

Yeremia 38:12

Hag Ebed-melek an Ethiopek a leveris dhe Yeremia, ‘Gorr lemmyn an kloutys ha'n dillasow usys yn-dann dha dhiwgasel, yn-dann an lovonow.’ Ha Yeremia a wrug yndella.

Matthew 20:26

Yndella ny vydh hi yn agas mysk hwi; mes piwpynag a vynno bos meur yn agas mysk, ev bedhes agas servont,

Luk 14:10

Mes pan vi gelwys, ke dhe esedha y'n tyller isella, rag may lavarro dhis neb a'th elwis, “Koweth, gwra mos yn-bann dhe dyller ughella”; ena y fydh dhis bri a-rag oll an dus yw esedhys genes.

Yowann 15:17

Hemma a worhemmynnav dhywgh, hwi dhe gara an eyl y gila.

Yowann 17:21

rag may fons i oll onan, kepar ha ty, A Das, ynnov vy ha my ynnos jy, rag may fons i ynwedh onan ynnon ni, may krysso an bys ty dhe'm dannvon.

Oberow 4:32

Lemmyn routh an re a grysi o unnverhes yn kolonn hag enev, ha denvyth ny leveris bos an pythow a berghennas dhodho ev y honan, mes pup-tra o kemmyn dhedha.

Romanyon 13:7

Tal dhedha i oll an pyth a dhelledh y dyli, trubyt dhe'n re a dal dhedha y dyli, toll dhe'n re a dal dhedha y dyli, agha dhe'n re a dal dhedha agha, enor dhe'n re a dal dhedha enor.

Galatianys 5:13

Rag hwi a veu gelwys dhe rydhses, a vreder, saw na wrewgh dhe'n rydhses ri spas dhe'n kig, mes dre gerensa bedhewgh servysi an eyl dh'y gila.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Galatianys 5:6

Rag yn Krist Yesu ny wrer fors a drodreghyans nag a antrodreghyans, mes a fydh owth oberi dre gerensa.

Filippianys 2:3

heb gul travyth dre gesstrif na dre woeth, mes yn uvelder, ow synsi pub den arall dhe vos gwell agesowgh agas honan,

Kolossianys 1:4

Ni re glewas a'gas fydh yn Krist Yesu hag a'n kerensa usi genowgh troha'n syns oll,

1 Thessalonianys 4:9

A-dro dhe gerensa a'n vreder, ny'gas beus edhomm my dhe skrifa dhywgh, rag hwi re beu dyskys gans Duw dhe gara an eyl y gila,

2 Thessalonianys 1:3

Y koedh dhyn grassa dhe Dhuw pup-prys yn agas kever, a vreder, dell yw gwiw, rag agas fydh a wra tevi yn fras ha'gas kerensa pubonan dh'y gila a wra palshe,

Ebrowyon 13:1

Pesyes kerensa dhe breder.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.

1 Peder 2:17

Gwrewgh enora pub den oll, kara an brederedh, Duw, enora an emperour.

1 Peder 5:5

Y'n keth vaner, hwi, a dus yowynk, bedhewgh gostydh dhe'n henavogyon, ha pubonan gwiskewgh uvelder an eyl dh'y gila, rag ‘Duw a sett orth tus woethus, mes dhe dus uvel, y re ev gras.’

2 Peder 1:7

hag yn sansoleth kuvder dhe vreder, hag yn kuvder dhe vreder kerensa.

1 Yowann 4:11

Hwi garadowyon, kemmys mara'gan kara Duw, ni a dal kara an eyl y gila.

1 Yowann 4:20

Mar lever nebonan, ‘My a gar Duw’, ha kasa y vroder, gowleveryas yw: rag neb na gar y vroder a welas ev, ny woer ev kara Duw na welas ev.