Romanyon 12:1 - An Bibel Kernewek 20234 (Kernewek Kemmyn)

¹ My a'gas pys, a vreder, dre druedhow Duw, may proffyowgh agas korf avel sakrifis bew, sans, plegadow dhe Dhuw, hag yth yw agas gwir wonis spyrysel;

Romanyon 12:1 ပူးပေါင်းရင်းမြစ်များ

Salmow 116:12

Py gober a rov dhe'n Arloedh rag oll y helder dhymm?

Salmow 19:14

Bedhes lavarow ow ganow ha prederow ow holonn plegadow a-ragos, A Arloedh ow nerth ha'm dasprenyas.

Ysay 56:7

my a wra aga dri dhe'm menydh sans, ha'ga lowenhe y'm chi a bysadow. Aga offrynnow leskys ha'ga sakrifisow a vydh kemmeradow war ow alter, rag ow chi a vydh gelwys chi a bysadow rag oll an poblow.

Yeremia 6:20

Pandr'a amont dhymm frankynkys a-dhiworth Sheba, ha'n kalamus drudh a bow pell? Nyns yw agas offrynnow leskys kemmeradow, na nyns yw agas sakrifisow hweg plegadow dhymm.

Hosea 14:2

Kemmerewgh genowgh hwi geryow, ha dehwelewgh dhe'n Arloedh. Leverewgh dhodho, ‘Gav pub kammhynseth, ha degemmer an pyth yw da, rag may attyllyn frut agan diwweus.

Niverow 7:21

unn tarow yowynk, unn hordh, unn oen gorow a unn bloedh, rag offrynn leskys;

Luk 7:47

Rakhenna y lavarav dhis, yma gevys dhedhi hy feghosow pals, rag hi dhe gara meur; mes ev may ma boghes gevys dhodho, boghes ev a gar.’

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

Romanyon 15:16

rag may fiv vy menyster Yesu Krist dhe'n kenedhlow, avel oferyas dhe aweyl Yesu Krist rag may fo offrynn an kenedhlow kemmeradow, sanshes gans an Spyrys.

Romanyon 15:30

My a'gas pys, a vreder, der agan Arloedh Yesu Krist, ha dre gerensa an Spyrys may striffyowgh genev yn agas pysadow dhe Dhuw a'm govis,

Romanyon 2:4

Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

Romanyon 6:13

Ha na rewgh agas eseli dhe begh avel arvow anewnder, mes omrewgh dhe Dhuw avel tus dhastrehevys a vernans dhe vewnans ha'gas eseli dhe Dhuw avel arvow ewnder.

Romanyon 6:16

A ny wodhowgh hwi mar omrowgh dhe nebonan avel kethyon wostydh, hwi dhe vos kethyon poran dhe'n den na mayth owgh gostydh dhodho – po dhe begh, hag a hembronk dhe'n mernans, po dhe wostytter hag a hembronk dhe ewnheans?

Romanyon 6:19

Avel den y kowsav, drefenn gwannder agas kig. Rag par dell resewgh agas eseli avel kethyon dhe avlander ha dhe anlaghedh bys yn anlaghedh hwath moy, yndella gwrewgh ri agas eseli avel kethyon dhe ewnder rag sansheans.

Romanyon 9:23

ha henna may fo godhvedhys rychys y wolewder rag an lestri a dregeredh hag a ragbareusis ev rag golewder,

1 Korinthianys 1:10

My a'gas pys, breder, dre hanow agan Arloedh Yesu Krist, may leverrowgh an keth tra, na vo folsyow vyth yn agas mysk, mes may fowgh hwi kesunys y'n keth brys hag y'n keth kowses.

2 Korinthianys 10:1

My ow honan, Powl, a'gas pys dre glorder ha jentilys Krist, my neb yw uvel pan esov fas orth fas yn agas mysk mes hardh dhywgh pan esov dhe-ves ahanowgh:

2 Korinthianys 4:1

Rakhenna, a-ban eus dhyn an menystrans ma, kepar dell gevsyn tregeredh, ny dheun ha bos digolonnek,

2 Korinthianys 4:16

Rakhenna ny dheun ha bos digolonnek; kyn hwannha agan gnas usi a-ves, hwath yma agan gnas usi a-ji nowydhhes pub dydh oll.

2 Korinthianys 5:20

Rakhenna, a-barth Krist kannasow on ni, kepar dell vo Duw ow pledya dredhon. Ni a'gas pys, a-barth Krist, bedhewgh unnverhes gans Duw.

2 Korinthianys 6:1

Ha ni ow kesoberi, ni a'gas pys ma na dhegemmerrowgh gras Duw yn euver;

Efesianys 4:1

My ytho, prisner y'n Arloedh, a'gas pys a gerdhes gwiw dhe'n galow may fewgh hwi gelwys,

Efesianys 5:10

ow previ an pyth yw plegadow gans an Arloedh.

Dewteronomi 14:2

Rag pobel sans os dhe'n Arloedh dha Dhuw, ha'n Arloedh re'th tewisas dhe vos dhodho pobel arbennik dhodho y honan yn-mes a'n poblow oll usi war enep an norvys.

Filippianys 1:20

war-lergh ow gwaytyans ha'm govenek na vydhav shamys yn travyth, mes y fydh Krist meurhes gans bolder leun avel pup-prys, hag y'n eur ma ynwedh y'm korf, po dre vewnans po dre vernans.

Filippianys 2:17

Mes dhe wir, mars ov skoellys avel offrynn diwes war agas sakrifis ha'n gonis a'gas fydh, my a lowenha ha keslowenhe genowgh hwi oll;

Filippianys 4:18

Pup-tra a'm beus hag y palshav; lenwys ov vy ow tegemmeres taklow dhiworthowgh der Epafroditus, sawer plegadow, sakrifis kemmeradow ha plegadow dhe Dhuw.

1 Thessalonianys 4:1

Wor'tiwedh ytho, a vreder, ni a'gas pys ha keski y'n Arloedh Yesu, kepar dell dhegemmersowgh dhiworthyn ni fatell goedh dhywgh kerdhes ha plegya dhe Dhuw, kepar dell gerdhowgh dhe wir, may palshahowgh dhe voy.

1 Thessalonianys 4:10

ha dhe wir, hwi a wra hemma rag an vreder oll der oll Makedonia. Mes ni a'gas pys, a vreder, may palshahowgh dhe voy,

1 Thessalonianys 5:12

Lemmyn, ni a'gas pys a vreder, a aswonn an re a lavur yn agas mysk ha neb a'gas hembronk y'n Arloedh ha'gas keski,

1 Timothi 2:3

Da yw henna, ha plegadow dhe Dhuw agan Selwador,

1 Timothi 5:4

Mes mars eus fleghes po fleghes-wynn dhe neb gwedhwes, dyskens i kyns oll gul aga dever kryjyk dh'aga theylu i hag attyli dh'aga thas ha'ga mamm, rag plegadow a-dherag Duw yw hemma.

Filemon 1:10

ha my a'th pys rag ow mab, neb a dhineythis y'm kolmow, Onesimus,

Filemon 1:9

byttegyns rag kerensa gwell yw genev dha gonjorya, kepar dell ov vy, Powl, den koth ha lemmyn ynwedh prisner a Grist Yesu;

Ebrowyon 13:22

Ha my a'gas pys, breder, a wul vri a'm ger a gennerth, rag my dhe skrifa war verr lavarow.

1 Peder 2:20

Rag pandr'a dal mar perthowgh pan owgh hwi gweskys wosa gul kamm? Mes mar kwrewgh yn ta ha perthi godhevyans, gras gans Duw yw hemma.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.