Romanyon 11:33 - An Bibel Kernewek 20234 (Kernewek Kemmyn)

³³ O, downder rychys Duw ha'y furneth ha'y wodhvos! Ass yw y vreus dres konvedhes, ha dres hwithra y fordhow!

Romanyon 11:33 ပူးပေါင်းရင်းမြစ်များ

Ester 2:22

Godhvedhys o an dra gans Mordekay, hag ev a'n derivas orth Ester an vyghternes; hag Ester a'n derivas dhe'n myghtern yn hanow Mordekay.

Job 10:13

‘Mes ty a gudhas an taklow ma y'th kolonn; my a woer y feu hemma y'th vrys.

Job 15:8

A woslewsys yn konsel kevrinek Duw? Hag a withydh furneth dhiso dha honan?

Job 23:14

Rag ev a gowlwra an pyth yw apoyntys ragov; hag yma lies tra a'n par na ganso.

Job 26:14

Ha nyns yw an re ma marnas emlow y fordhow; hag ass yw isel an hwystrenn a glewyn anodho! Piw a yll konvedhes taran y nerth?’

Job 33:13

Prag y strivydh er y bynn, rag ny yll denvyth gorthybi dhe oll y eryow?

Job 37:19

‘Dysk dhyn an pyth a wren ni leverel dhodho; ny yllyn restra agan ken drefenn an tewlder.

Job 37:23

An Ollgalloesek – ny yllyn y gavoes; meur yw y nerth, ha'y vreus, hag yn y wirvreus ha'y ewnder bras ny arwask ev.

Job 5:9

Ev a wra taklow meur hag anhwiladow, taklow bryntin heb niver.

Job 9:10

Ev a wra taklow meur dres hwithra, ha taklow marthys heb niver.

Salmow 139:6

Re varthys ragov yw an skians na; re ughel yw, ny wonn drehedhes dhodho.

Salmow 145:3

Meur yw an Arloedh hag ev a dal bos gormelys yn fras, ha ny yllir hwithra y veuredh.

Salmow 36:6

Dha ewnder yw kepar ha menydhyow Duw, dha vreusow yw kepar ha'n downder meur. Ty, A Arloedh, a selow den hag enyval.

Salmow 40:5

Meur yw niver dha varthusyon a wrussys, A Arloedh ow Duw, ha'th towlow ragon; nyns eus par dhiso jy. Mara's menekken vy, ha kewsel anedha, y fiens i moy es dell yllir aga nivera.

Salmow 77:19

Yma dha fordh y'n mor, ha'th hynsyow y'n dowrow meur; ha nyns yw olow dha dreys aswonnys.

Salmow 92:5

A Arloedh, ass yw meur dha oberow! Pur dhown yw dha brederow.

Salmow 97:2

Yma kommol ha tewlder a-dro dhodho; ewnder ha gwirvreus yw sel y se.

Lavarow Koth 25:2

Glori Duw yw gwitha taklow kudhys, mes glori myghternedh yw aga diskudha.

Lavarow Koth 25:3

Avel an ebron yn ughelder, avel an nor yn downder, yndella dres hwithra yw kolonn myghternedh.

Ekklesiastes 3:11

Duw re wrug pup-tra dhe vos teg yn y brys gwiw, mes ynwedh ev re worras konvedhes yn kolonn mebyon den a dermyn ow tremena trank heb worfenn, ma na allons i diskudha an ober a wrug Duw a-dhiworth an dalleth bys yn diwedh aga bewnans.

Ekklesiastes 7:24

An pyth a vo pell, ha down, pur dhown – piw a yll y gonvedhes?

Ekklesiastes 8:17

ena my a welas pup-tra a veu gwrys gans Duw, mes ny yll mab-den konvedhes an pyth yw gwrys yn-dann an howl, rag kyn hwra mab-den lavurya dhe hwilas, ny gyv ev travyth; ha kyn hwrella den fur leverel ev dh'y gonvedhes, ny yll ev y gonvedhes yn tien.

Ysay 28:29

Hemma ynwedh a dheu dhiworth Arloedh an luyow, neb yw marthys yn kusul, ha meur y dhoethter.

Ysay 40:28

A ny wodhves, a ny glewsys? An Arloedh yw an Duw heb diwedh, Kreador pennow an norvys. Ny glamder na ny vydh skwith; dres hwithra yw y gonvedhes.

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Romanyon 2:4

Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

Romanyon 9:23

ha henna may fo godhvedhys rychys y wolewder rag an lestri a dregeredh hag a ragbareusis ev rag golewder,

1 Korinthianys 2:10

Duw re dhiskwedhas hemma dhyn ni der an Spyrys; rag an Spyrys a hwither pup-tra, ynwedh downderyow Duw.

Efesianys 1:7

yn neb y'gan beus daspren der y woes, gevyans peghosow, war-lergh rychys y ras

Efesianys 2:7

may tiskwettha y'n oesow ow tos, rychys dres eghenn y ras yn kuvder troha ni yn Krist Yesu.

Efesianys 3:10

may fe deklarys lemmyn dhe'n prynsipatys ha'n potestatys y'n tylleryow nevek, der an eglos, furneth Duw, meur hy diverseth,

Efesianys 3:16

may rollo dhywgh hwi, war-lergh rychys y splannder, dhe vos krevhes gans galloes der y Spyrys y'n den pervedhel,

Efesianys 3:18

ma'gas bo nerth dhe gonvedhes gans oll an syns, pyth yw an les ha'n hys ha'n ughelder ha'n downder,

Efesianys 3:8

Dhymmo vy, yw le ages an lyha a'n syns oll, y feu res an ras ma dhe bregoth dhe'n Jentilys an rychys a Grist yw dres hwithra,

Kolossianys 1:27

dhe neb Duw a vynnas diskudha pyth yw rychys splannder an mysteri ma yn mysk an Jentilys, yw Krist ynnowgh hwi, govenek an splannder.