Romanyon 11:21 - An Bibel Kernewek 20234 (Kernewek Kemmyn)

²¹ Rag mar ny sparyas Duw an skorrennow naturel, ny'th spar tejy.

Romanyon 11:21 ပူးပေါင်းရင်းမြစ်များ

Yeremia 25:29

Otta, yth esov ow talleth dri drogedh war an sita may feu ow hanow gelwys warnedhi, hag a vydhowgh digeredh yn tien? Ny vydhowgh digeredh, rag yth esov ow kelwel kledha erbynn oll annedhysi an nor, yn-medh Arloedh an luyow.

Yeremia 49:12

Rag yndellma y lever an Arloedh: Otta, seul na veu breusys dhe eva an hanaf a dal hwath y eva, ytho a vydhydh ty heb kessydhyans vyth? Ny vydhydh heb kessydhyans; res yw dhis y eva.

Romanyon 11:17

Mes mar pe rann a'n skorrennow terrys dhe-ves ha ty, olewenn woedh, ympys yn aga le dhe gevrenna yn gwreydhenn ha sugen an olewenn,

Romanyon 11:19

Ty a lever ytho: ‘Terrys dhe-ves veu skorrennow rag may fen vy ympys a-ji.’

Romanyon 11:20

Gwir yw! Drefenn diskryjyans y fons i terrys, ha ty dre gryjyans a sev. Na gemmer goeth, mes porth own!

Romanyon 11:22

Gwel ytho kuvder hag sevureth Duw; sevureth a'n eyl tu orth an re re goedhas hag a'y gila kuvder Duw orthis, mar pesydh yn y guvder, poken y fydhydh treghys dhe-ves ynwedh.

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

Lyther Yud 1:5

My a vynn dri dh'agas kov, hwi neb a woer pup-tra seulabrys, y hwrug an Arloedh, a dhelivras y bobel yn-mes a bow Ejyp, distrui an dhiskryjygyon a-wosa;