Goslowewgh orthiv, hwi hag a jas war-lergh ewnder, hwi hag a hwila an Arloedh. Mirewgh orth an garrek may fewgh treghys dhiworti, hag orth an mengleudh may fewgh pelys dhiworto.
Drehevewgh agas dewlagas war-vann dhe'n nevow ha mirewgh orth an nor a-woeles; rag an nevow a deudh dhe-ves avel mog, an nor a vydh usys avel kweth, ha'n re usi trigys warnodho a verow avel gwibes; mes ow selwyans a vydh bys vykken, ha ny vydh diwedh dhe'm ewnder.
Rag an goedhan a wra aga dybri avel kweth, ha'n pryv a wra aga dybri avel gwlan; mes ow ewnder a vydh heb diwedh, ha'm selwyans a unn henedh dhe'n nessa.
Ni oll yw avel tra avlan, hag avel kweth woesek yw oll agan gweythyow gwiryon; ni oll a wedher avel delenn, ha'gan kammweythresow a'gan deg dhe-ves avel gwyns.
‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.
may hwrug vy ynwedh kerdhes kontrari dhedha i, ha'ga dri bys yn tir aga eskerens; mars yw uvelhes aga holonnow antrodreghys, ha mar mynnons gul amendys rag aga hammweyth,
Hag ev a leveris dhedha, ‘Hwi yw an re a justifi aga honan a-wel tus, mes Duw a aswonn agas kolonn; rag an dra eksaltys yn mysk tus yw pyth kasadow a-wel Duw.