Romanyon 10:18 - An Bibel Kernewek 20234 (Kernewek Kemmyn)

¹⁸ Mes my a lever, A wrussons i klewes? Gwrussons yn hwir! Rag ‘Dhe'n bys oll yth eth aga lev, ha'ga geryow dhe bennow an norvys.’

Romanyon 10:18 ပူးပေါင်းရင်းမြစ်များ

1 Myghternedh 18:10

Dell vew an Arloedh dha Dhuw, nyns eus kenedhel na gwlaskor ma na dhannvonas ow arloedh dhe'th hwilas; ha pan leverens, “Nyns, usi ev omma,” ev a wrug dhe'n genedhel po a'n wlaskor na gul ti, na'th kavsens.

Salmow 19:4

Aga lev a yn-mes dhe oll an nor, ha'ga lavarow dhe bennow an norvys. Ynna y hworras ev tylda rag an howl,

Salmow 22:27

Oll pennow an norvys a berth kov ha treylya dhe'n Arloedh; hag oll teyluyow an kenedhlow a wordh a-dheragos.

Salmow 98:3

Ev re borthas kov a'y dregeredh ha'y lelder orth chi Ysrael. Oll pennow an norvys re welas selwyans agan Duw.

Ysay 24:16

Dhiworth finyow an nor ni a glew kanow, splannder dhe'n Gwiryon. Yn-medhav, Tanowhes ov, tanowhes, go-vy! Traytours a drayt, traytours a drayt yn pur dhevri.

Ysay 49:6

yn-medh ev: ‘Tra re drufel ragos yw ty dhe vos ow gwas, rag drehevel loethow Yakob, ha dri arta an re withys a Ysrael. My a'th re avel golow dhe'n kenedhlow, rag mayth hettho ow selwyans dhe bennow an norvys.’

Ysay 52:10

An Arloedh re dhislennis y vregh sans a-rag dewlagas an kenedhlow oll, hag oll pennow an norvys a wel selwyans agan Duw.

Yeremia 16:19

A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.

Matthew 24:14

Ha'n aweyl ma a'n wlaskor a vydh pregewthys yn oll an bys yn dustuni dhe oll an kenedhlow, hag ena y teu an diwedh.

Matthew 26:13

Yn hwir y lavarav dhywgh, py le pynag y fo pregewthys an aweyl ma yn oll an bys, y fydh derivys ynwedh an pyth re wrug hi, yn kovadh anedhi.’

Matthew 28:19

Ewgh ytho ha gwra dhe oll an kenedhlow bos dyskyblon, orth aga besydhya yn hanow an Tas, ha'n Mab, ha'n Spyrys Sans,

Matthew 4:8

Arta an jowl a'n kemmeras dhe venydh pur ughel ha diskwedhes dhodho oll gwlaskordhow an bys ha'ga splannder,

Mark 16:15

Hag ev a leveris dhedha, ‘Ewgh hwi yn oll an bys, ha pregewthewgh an aweyl dhe bub kreatur.

Mark 16:20

Hag yth ethons yn-mes ha pregoth yn pub le, ha'n Arloedh ow kesoberi gansa hag ow fastya an ger der an toknys a wre holya. Amen.

Oberow 1:8

Mes hwi a dhegemmer nerth pan dheu an Spyrys Sans warnowgh, ha dustunioryon vydhowgh dhymm, hag yn Yerusalem hag yn oll Yudi ha Samaria ha bys penn pella an norvys.’

Oberow 26:20

mes my a dherivas yn kynsa dhe'n re na yn Damaskus hag ena yn Yerusalem ha dres oll an pow a Yudi, y koedh dhedha kemmeres edrek ha treylya dhe Dhuw, ow kul oberow dhe edrek.

Oberow 28:23

I a settyas dydh ganso, hag i a dheuth yn y ji, meur aga niver. A vyttin bys yn gorthugher ev a styryas dhedha, ow toen dustuni a-dro dhe wlaskor Duw, hag owth assaya gul dhedha krysi a-dro dhe Yesu, dhiworth lagha Moyses keffrys dhiworth an brofoesi.

Romanyon 1:8

Kyns oll, yth aswonnav gras dhe'm Duw dre Yesu Krist ahanowgh hwi oll, drefenn agas fydh dhe vos dyllys y'n norvys oll.

Romanyon 15:19

dre alloes toknys ha marthusyon, dre alloes Spyrys Duw, bys may hyllyn kowlwul pregoth aweyl Yesu Krist dhiworth Yerusalem hag yn kylgh bys yn Illyrikum,

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

Kolossianys 1:6

a dheuth dhywgh hwi, kepar hag yn oll an bys hi a dheg frut ha tevi, kepar dell dyv ynnowgh hwi ynwedh, dhiworth an jydh may klewsowgh ha godhvos gras Duw yn gwirder;

1 Thessalonianys 1:8

Rag ger an Arloedh ny wrug seni dhiworthowgh nyns yw unnsel yn Makedonia hag yn Aghaia, mes yn pub le agas fydh yn Duw re beu dyllys a-les, ma nag yw res dhyn ni leverel travyth.