Romanyon 10:15 - An Bibel Kernewek 20234 (Kernewek Kemmyn)

¹⁵ Ha fatell yllir pregoth mar nyns or dannvenys? Dell yw skrifys, ‘Ass yns i teg treys an re ow tyllo nowodhow da!’

Romanyon 10:15 ပူးပေါင်းရင်းမြစ်များ

Ysay 40:9

Yskynn yn menydh ughel, A Sion, dyller nowodhow da; drehav dha lev gans nell, A Yerusalem, dyller nowodhow da; drehav e yn-bann heb own; lavar dhe sitys Yuda, ‘Otta dha Dhuw!’

Ysay 52:7

Ass yw teg war an menydhyow treys an gannas hag a dhre nowodhow da, neb a dhyllo kres ha derivas dader, neb a dhyllo selwyans; neb a lever dhe Sion, ‘Dha Dhuw a reyn.’

Ysay 57:19

ow formya an frut a hebaska war dhiwweus an gynoryon. Kres, kres dhodho ev neb yw ogas, ha dhodho ev neb yw pell, yn-medh an Arloedh; ha my a'n yaghha.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Yeremia 23:32

Otta, yth esov erbynn an re a brofoes fals hunrosow, yn-medh an Arloedh, hag a wra aga derivas, ha gul dhe'm pobel mos yn stray der aga gowyow ha'ga bostya; mes ny's dannvenis, na gorhemmynna dhedha; ytho ny vydhons dhe les rag an bobel ma, yn-medh an Arloedh.

Nahum 1:15

Awotta, war an menydhyow treys kannas nowodhow da, ow terivas kres! Gwith dha dhy'goelyow, A Yuda, kollanw dha ambosow, rag ny dremen an tebelwas dredhos nevra namoy; ev yw treghys dhe-ves yn tien.

Matthew 9:38

pysewgh ytho Arloedh an drevas may tannvonno gonisysi bys yn y drevas.’

Luk 10:1

Wosa hemma, an Arloedh a apoyntyas dewdhek ha tri-ugens arall ha'ga dannvon dew ha dew a-dheragdho dhe bub sita ha tyller may fynna ev mos.

Luk 2:10

Ha'n el a leveris dhedha, ‘Na berthewgh own, rag otta, my a dhre dhywgh nowodhow da a lowena veur hag a vydh rag oll an bobel,

Luk 2:14

‘Gordhyans y'n ughelder dhe Dhuw hag y'n bys kres dhe dus y volonjedh da.’

Luk 8:1

Ha wosa henna, yth esa ow tremena dre sitys ha trevow ow pregoth ha derivas an nowodhow da a wlaskor Duw; ha'n dewdhek esa ganso,

Yowann 20:21

Ena yn-medh Yesu dhedha arta, ‘Kres dhywgh. Kepar dell wrug ow Thas ow dannvon vy, yndella my a's dannvon hwi.’

Oberow 10:36

Hwi a woer an ger a dhannvonas ev dhe vebyon Ysrael, ow pregoth kres dre Yesu Krist neb yw Arloedh peub oll.

Oberow 13:26

‘Breder, mebyon agh Abraham, ha'n re yn agas mysk a berth own a Dhuw, dhyn ni ger an selwyans ma re beu dannvenys.

Oberow 22:21

Ena ev a leveris dhymm, “Ke, rag my a wra dha dhannvon a-bell dhe'n Jentilys.” ’

Oberow 9:15

Mes an Arloedh a leveris dhodho, ‘Ty ke, drefenn bos hemma ow mayn dewisys rag doen ow hanow a-dherag an Jentilys ha myghternedh ha mebyon Ysrael;

Romanyon 1:15

ytho mall a'm beus oll dhe'm galloes a bregoth dhywgh ynwedh an re usi yn Rom.

Romanyon 15:20

yndella fest ow strivya pregoth an aweyl, y'n tylleryow ma na veu henwys Krist kyns, rag na dhreheffen war sel onan arall,

Efesianys 2:17

Hag ev a dheuth dhe bregoth kres dhywgh hwi neb o pell, ha kres dhe neb o ogas,

Efesianys 3:8

Dhymmo vy, yw le ages an lyha a'n syns oll, y feu res an ras ma dhe bregoth dhe'n Jentilys an rychys a Grist yw dres hwithra,

Efesianys 6:15

hag owth arghena an treys gans ombareusyans a dheu dhiworth an aweyl a gres.

1 Peder 1:12

Diskwedhys veu dhedha nag esons i ow konis aga honan, mes yth esons orth agas gonis hwi y'n taklow re beu derivys dhywgh gans an re a bregowthas an nowodhow da dhywgh der an Spyrys Sans, dannvenys dhiworth nev, taklow ha hwans yma dhe eledh mires warnedha.