Romanyon 1:21 - An Bibel Kernewek 20234 (Kernewek Kemmyn)

²¹ rag kynth aswonnens Duw ny'n gormolens na ny aswonnens grasow dhodho avel Duw, mes euver y teuthons ha bos yn aga thybyansow ha tewlhes veu aga holonn dalsogh.

Romanyon 1:21 ပူးပေါင်းရင်းမြစ်များ

Jenesis 6:5

Ha'n Arloedh a welas bos droktra mab-den bras war an nor ha nag o pub mynnas a dybyansow y golonn marnas drog pub dydh oll.

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

1 Myghternedh 20:23

Gwesyon myghtern Aram a leveris dhodho, ‘Aga duwow yw duwow a'n menydhyow, hag yndellma i o kreffa agesson; mes gas ni dhe vatalyas orta y'n gwastattir, hag yn sur ni a vydh kreffa agessa.

2 Myghternedh 17:15

I a asas y laghys, ha'y gevambos a wrug ev gans aga thasow, ha'n gwarnyansow a ros ev dhedha. I a siwyas idolys koeg hag eth ha bos koeg aga honan; i a siwyas an kenedhlow esa a-dro dhedha, hag a-dro dhedha an Arloedh re worhemmynnsa na dalvia dhedha gul yndella.

Salmow 50:23

Neb a offrynn an sakrifis a rasyans a wra ow gordhya; ha dhe neb a wra y fordh yn ewn my a dhiskwa selwyans Duw.’

Salmow 81:12

Ytho my a's gasas dh'aga holonn worth, dhe gerdhes herwydh aga husulyow aga honan.

Salmow 86:9

Oll an kenedhlow a wrussys a dheu hag omblegya a-dheragos, A Arloedh, ha gordhya dha hanow.

Ekklesiastes 7:29

Mir, hemma unnsel re gevis, Duw a wrug mab-den ewnhynsek, mes i, i re hwilas lies droktowl.’

Ysay 60:2

Rag otta, tewlder a gudh an norvys, ha tewlder tew an poblow, mes an Arloedh a dhrehav warnas, ha'y glori a vydh gwelys warnas.

Yeremia 16:19

A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.

Yeremia 17:9

An golonn yw fel dres pup-tra, ha drog dres remedi: piw a's aswonn?

Yeremia 2:5

Yndellma y lever an Arloedh Pana dhrogober re gavas aga thasow ynnov, mayth ens gyllys pell ahanav, ha may kerdhsons war-lergh euveredh, ha devedhys ha bos euver vons?

Yeremia 9:14

mes kerdhes war-lergh gorthter aga holonn aga honan, ha war-lergh an Baalim, hag a dhyskas aga thasow dhedha.

Ezekiel 14:5

rag may taskyffiv kolonnow chi Ysrael, rag i oll re dreylyas dhiworthiv der aga idolys.

Ezekiel 20:25

Ynwedh my a ros dhedha ordenansow nag ens da, ha breusow na yllens bewa ynna.

Hosea 2:8

Ny wodhva hi, y feu my neb a ros dhedhi an ys, ha'n gwin, ha'n oyl, ha kressya hy arghans, ha'y owr a bareussons rag Baal.

Yowann 3:19

Ha hemm yw an vreus: golow re dheuth y'n bys, ha'n dus a garas an tewlder moy es an golow, rag bos drog aga oberow.

Oberow 26:18

rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”

Romanyon 1:19

Rag an dra a yll bos aswonnys a-dro dhe Dhuw yw apert dhedha, rag Duw re'n diskwedhas dhedha.

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.

Romanyon 11:10

bedhes tewlhes aga dewlagas bys ma na's teves gweles ha'ga heyn pup-prys ow plegya.’

Romanyon 15:9

ha rag may hwormolla an kenedhlow Duw rag y dregeredh. Dell yw skrifys, ‘Rakhenna my a vynn dha wormel yn mysk an kenedhlow ha kana dhe'th hanow jy’;

Dewteronomi 28:29

Ty a vydh ow palvala yn hanter-dydh, kepar dell balval an dall y'n tewolgow; ny wredh dhe'th fordhow seweni; devri y fydhydh arweskys ha ledrys, ha ny wra nagonan dha sawya.

2 Timothi 3:2

rag tus a vydh omgaroryon, karoryon mona, goethus, ughel aga fenn, ow tespitya tus erell, diwostydh orth kerens, heb godhvos gras, ansans,

1 Peder 1:18

Hwi a woer na vewgh dasprenys gans taklow a yll pedri, arghans nag owr, dhiworth agas bewedh euver a veu eritys dhiworth agas tasow,

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

Diskwedhyans 14:7

ow leverel, ughel y lev, ‘Porth own a Dhuw, ha ro glori dhodho, rag bos eur y vreus devedhys, ha gwra gormel neb a wrug nev ha nor ha'n mor ha'n fentynyow a dhowrow.’

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’